• USD 468.56

  • EUR 497.56

  • RUB 7.3

  • CNY 67.18

24 Sáýir, 22:16:08
+35°

27 Naýryz, 2024 Barlyq aımaqtar

Til janashyry kompanııalardy sotqa berip, jeńip shyqty

Tolqyn Muhtarhanova qazaq tiliniń quqyǵyn shektegen “Miele” JShS jáne “Mechta” kompanııalaryn azamattyq sotta jeńip shyqqan.

Foto: dalanews.kz

Til janashyry Tolqyn Muhtarhanova qazaq tiliniń quqyǵyn shektegen “Miele” JShS jáne “Mechta” kompanııalaryn azamattyq sotta jeńip shyqqan. Daýly oqıǵanyń qalaı bolǵanyn Air Astana kompanııasynyń burynǵy qyzmetkeri Dalanews.kz agenttiginiń tilshisine egjeı-tegjeıli baıandap berdi. Onyń aıtýyna, til janashyry qoǵamdyq ómirde qazaq tiline qatysty kóptegen kedergige tap bolǵanyn kóre júrip, tilge qatysty zańdarmen tolyq tanysyp shyqqan.

“Otbasymyzben jańa qonys aldyq. Sol jerge óńdeý jumystaryn jasaýǵa bel baıladyq. Osylaısha jazda aldyn ala “Mechta” dúkenine baryp, “Miele” kompanııasynyń kir jýǵysh mashınasy men keptiretin qurylǵysyn satyp aldyq. Páterimizdiń óńdeý jumysy aıaqtalǵan soń, kúzde jańa qonysymyzǵa kóship keldik. Zattarymyzdy “Miele” kompanııasynan aldyrttyq. Sodan kópbalaly bolǵan soń, birinshi qajet nárse kir mashına boldy. Sony ornatyp, qoldana bastadyq. Alaıda men nusqaýlyqtan qazaqsha mátin taba almadym. Alǵan zattarymyzda qazaqsha nusqaýlyǵy múldem bolmady. Sodan men “Miele” kompanııasyna habarlasyp, olardan qazaqsha nusqaýlyqty suradym. Olar jiberý úshin ýaqyt qajet ekenin aıtty. Sodan men óz talabymdy sot arqyly sheshetinimdi jetkizdim”, – deıdi Tolqyn Muhtarhanova.

Al kompanııa qazaqsha nusqaýlyǵyn eki apta ótkennen keıin jibergen.

- “Miele” bir aı nemese eki apta buryn ashylǵan kompanııa emes. Qazaqstanda 15 jyldan beri jumys istep keledi. Eger olarda qazaqsha nusqaýlyq bolsa, sol mezette elektrondy poshtama joldaıtyn edi. Biraq olar eki apta ótkennen keıin iske kirisip, elektrondy nusqasyn poshtama jiberdi. Nátıjesinde “Miele men “Mechta” kompanııalaryn “tutynýshy quqyǵym buzyldy dep” azamattyq sotqa berdim. Birinshiden, tutynýshy retinde suraǵan nusqaýlyq pen “Miele”  kompanııasynda qazaqsha aqparattyń joq ekenin aıttym. Sonymen qatar “Miele” kompanııasynyń saıtynda qazaq tilin tańdaıtyn batyrmanyń joq ekenin de atap óttim. Sot prosesinde olar “kz” degen qazaqsha batyrmany engizdi.Alaıda batyrmany qosqanymen, qazaqsha aqparat bolmady. Osy negizde tutynýshy retinde quqyǵymnyń buzylǵanyn qostym”, – deıdi til janashyry.

Nátıjesinde ol “Miele” kompanııasyn sotta jeńip shyǵady. Al tutynýshy quqyǵyn shektegen kompanııa oǵan arnaıy ótemaqy tólegen.

 

"Qamshy" silteıdi
Ilmek sózder: qazaq tili Mechta

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir