Toqaev memlekettik Eltańbany ózgertý bastamasyn kóterdi

Prezıdent Qasym-Jomart Toqaev Atyraýda ótip jatqan ulttyq quryltaıda memlekettik Eltańbany ózgertýdi usyndy.

– Eltańbamyzǵa qatysty synı pikirler aıtylyp qalady. Ony Keńes zamanyndaǵy Gerbke uqsatyp jatady. Tym eklektıkalyq, kúrdeli deıdi. Mundaı oıdy el isine beı-jaı qaramaıtyn belsendi azamattar ǵana emes, mamandar da aıtyp júr. Oryndy paıymdar eskerýsiz qalmaýy kerek.

Ortaq kelisimge kelgen jaǵdaıda arnaýly komıssııa qurýǵa bolady. Bul komıssııa máseleni jan-jaqty qarastyryp, qoǵamdyq talqylaý ótkizedi. Sosyn Qazaqstannyń jańa Eltańbasynyń jobasyn jasaýǵa ashyq baıqaý jarııalanady, – dedi Toqaev.

Prezıdent memlekettik tý men ánuranda min joq ekenin atap ótti.