28 Aqpan, 2024 Almaty
Almatydaǵy qatty jer silkinisi: tótenshelikter ne úshin jazalandy?
QR Tótenshe jaǵdaılar vıse-mınıstri Baýyrjan Syzdyqov búgin Májilis dálizinde jýrnalıster qaýymyna tap kelip, birqatar yńǵaısyz suraqtarǵa jaýap berýge májbúr boldy. Sonyń biri - Almatyda qatty jer silkinisi kezinde qulaqtandyrý júıesiniń iske qosylmaýyna baılanysty qandaı laýazymdy tulǵalardyń jazalanǵany týraly.
gov.kz
"Iá, qyzmettik tergeý júrgizildi, kóptegen qyzmetker, sonyń ishinde laýazymdy tulǵalar jazalandy", dedi Baýyrjan Syzdyqov.
Biraq ol qaı qyzmetker jazalǵanyn, olarǵa qandaı jaza qoldanylǵanyn naqty aıta almady.
"Endi ol arada ártúrli jaza bar, sondyqtan resmı túrde habarlassańyzdar, biz keıinirek naqtylap beremiz", dedi vıse-mınıstr.
Syzdyqov Almatydaǵy jer silkinisi týraly aldyn ala qulaqtandyrý júıesine bólingen iri qarajat máselesine qatysty túsinikteme bere almaıtynyn jetkizdi. О́ıtkeni atalǵan máselemen búginderi prokýratýra jáne sybaılas jemqorlyqqa qarsy qyzmet aınalysyp jatqan kórinedi.
"Bul arada mynany aıta ketken jón, qulaqtandyrý júıesi, eger aldyn ala habarlandyrý júıesin alatyn bolsaq, onda eki jyl ishinde, aıtalyq, 28 datchık qoıyldy. Jalpy, Almaty búginde 100%-ǵa qamtylǵan, dabyl, qulaqtandyrý qondyrǵylarymen 100% qamtý júrip jatyr. Qazirdiń ózinde bul júıe jumys istep turǵanyna ózderińizder kýásizder", dedi ol.
Ol satyp alynǵan 28 datchık qazir synaq rejıminde jumys istep turǵanyn aıtady.
"Olardyń barlyǵy mamandar belgilegen oryndarǵa ornatylyp, qazir synaqtan ótip jatyr. Al testileý merzimi bir jylǵa sozylady. Iаǵnı, biz olardy bir jyldan keıin ǵana óndiriske shyǵaramyz... 2022-2023 jyldar barysynda eki jylda satyp alyndy, birinshi jyl, meniń oıymsha, 11, ekinshi jyly 17 datchık alyndy", dedi Baýyrjan Syzdyqov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir