Almaty áýejaıynyń taǵy bir top-menedjeri qyzmetinen ketti

"Almaty halyqaralyq áýejaıynyń aǵa vıse-prezıdenti Sımon Zıtsers qyzmetine esh qatysy joq, jeke sebepteri boıynsha ornyn bosatty", delingen áýejaıdyń baspasóz qyzmetiniń habarlamasynda.

Onyń ornyna basqa maman taǵaıyndalatyny naqtylanady.

Aıta ketsek, 2023 jyly 28 jeltoqsanda áýejaıdyń eki túrik top-menedjeri: kommersııa jónindegi aǵa vıse-prezıdent Ietkın Chetın Paker, birinshi vıse-prezıdent Fatıh О́mir aıaq-astynan qyzmetinen ketkeni belgili boldy.

2024 jyly qańtarda BAQ betterinde Almaty halyqaralyq áýejaıyna tintý júrgizilip, taǵy bir top-menedjer Ýfýk Serttiń ustalǵany týraly aqparat paıda bolǵan. Biraq áýejaı basshylyǵy bul málimetti rastamady.

Negizinen, 2021 jyly 30 sáýirde TAV Airports túrik kompanııasy Almaty halyqaralyq áýejaıyn satyp alǵanyn jarııalandy. Baǵa 50 mln dollarǵa deıin tómendetilgeni de belgili boldy.

Venus Airport Investments B. V. (Amsterdamda tirkelgen) kompanııasy "Almaty halyqaralyq áýejaıy"AQ-tyń jalǵyz aksıoneri bolyp tabylady. О́z kezeginde, Venus Airport Holdings B. V. (sonymen qatar Nıderlandy ıýrısdıksııasynda qarasty) áýejaı aksııasynyń 10% jáne odan da kóp úlesine ıe. Bul kompanııa tolyǵymen Tımýr Qulybaevtyń qaraýyndaǵy sıngapýrlyq Steppe Capital Pte Ltd kompanııasyna tıesili.