27 Aqpan, 2024 Barlyq aımaqtar
Ermurat Bapı: «El men qoǵamnyń ómirine jylymyq kire bastaǵanyn nege moıyndamaımyz?
Qazirgi tańda halyq úshin Qazaqstannyń saıası ómirinde, eknonmıkasynda alǵa jyljý, ilgerileý joq. Iаǵnı, bári bir orynda turyp qalǵan sekildi. Tek jıyn, jınalys. Shynynda da solaı ma?
photo: The Qazaq times
Bul suraqty májilis depýtaty Ermurat Bapıǵa qoıyp kórip edik. Alaıda ol bul pikirmen kelispeıtindigin aıtty.
– Bul pikirińizge de qarsy ýáj aıtýǵa týra keledi. Búginde prezıdent Toqaevty jáne onyń saıasatyn «tıse – terekke, tımese – butaqqa» dep ońdy-soldy synap jatqan ınternet resýrstar (Iýtýb, Telegram, Tık-tok, t.b.) budan eki-úsh jyl buryn bar ma edi?
Joq! Bolǵany – «DAT» gazeti sııaqty biren-saran BAQ edi ǵoı. Iаǵnı, «alǵa jyljý men ilgerileý» bar ekenin kórsetetin bir ındekator – sóz bostandyǵy osy emes pe? Osydan keıin el men qoǵamnyń ómirine jylymyq kire bastaǵanyn nege moıyndamaımyz?
Al áleýmettik saladaǵy prezıdenttiń bastamalary birte-birte júzege asa bastaǵany óz aldyna bólek áńgime. Árıne, ázirge «alǵa jyljýdyń» dınamıkasy shapshań emes, baıaý júrip jatqany jasyryn emes. Ásirese, qoǵamdyq-saıası sala ózgeristerge sarań bolyp tur. Áliptiń artyn baǵý, sylbyrlyq, kibirtik kóp. Biraq «seń qozǵaldy» ǵoı! Biz ózgeristerdiń bul bastamasyn ótpeli kezeńniń qundylyǵy retinde qabyldaı bilýimiz kerek, – deıdi májilis depýtaty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir