26 Aqpan, 2024 Qaraǵandy oblysy
Jedel járdem kóliginiń taǵy bir júrgizýshisi soqqyǵa jyǵyldy
Sońǵy ýaqytta Qazaqstanda medısına qyzmetkerlerine shabýyl jasaý jaǵdaıy jıileı bastaǵan. Bul másele Májilis qabyrǵasynda da kóterilip, qoǵamdyq rezonsqa ıe bolǵan. Endi, mine, buǵan taǵy bir fakti kelip qosyldy. Kúni keshe Temirtaý qalasynda jedel járdem kóliginiń júrgizýshisin eki er adam tepkilep, tonap ketken.
áleýmettik jeliden alyndy
Oqys oqıǵa 26 aqpanǵa qaraǵan túni shaqyrtý boıynsha belgili mekenjaıǵa kelip, aq halattylar úıge kirip ketken kezde kópqabatty turǵyn úı aýlasynda bolǵan.
Jábirlenýshiniń áriptesteri oqıǵa ornynan túsirgen vıdeony jelide jarııalady.
«Shaqyrtý boıynsha kelgenbiz. Júrgizýshini sabap ketken. Keıbir zattar urlanǵan", delingen vıdeo sıpattamasynda.
Vıdeodan kóliktiń ishindegi zattardyń búlingenin kórýge bolady.
Qaraǵandy oblysy polısııasynyń baspasóz qyzmeti atalǵa oqıǵaǵa qatysty kúdiktilerdiń ustalǵanyn jetkizdi.
"Belgisiz ekeý medısınalyq qyzmetkerlermen birge shaqyrtý boıynsha oqıǵa ornyna kelgen 45 jastaǵy jedel járdem júrgizýshisine dene jaraqatyn saldy. Polısııa qyzmetkerleri 25 jáne 29 jastaǵy eki kúdiktini izin sýytpaı ustady", dep habarlaıdy Qaraǵandy oblysy PD baspasóz qyzmeti.
Qazir qylmystyq is qozǵalyp, tergeý júrgizilip jatyr.
Aıta ketsek, buǵan deıin Qaraǵandyda sózge kelip qalǵan er adam jedel járdem júrgizýshisin uryp tastaǵan. Keıin oblys ákimi Ermaǵanbet Bólekpaev jedel járdem qyzmetkerlerin jaqtap, málimdeme jasady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir