• USD 468.56

  • EUR 497.56

  • RUB 7.3

  • CNY 67.18

24 Sáýir, 22:39:20
Almaty
+35°

22 Aqpan, 2024 Barlyq aımaqtar

Ulttyq panteonǵa prezıdentterdiń otbasy músheleri jerlenbeıdi

Ulttyq panteon Astanadan 17 shaqyrym jerde, Qabanbaı batyr aýylynyń mańynda ornalasqan.

foto: aikyn.kz

     Mádenıet jáne aqparat mınıstrligi «Ulttyq panteon týraly erejeni bekitý týraly» Úkimet qaýlysyna jańa ózgerister engizbekshi. 

Qujatqa sáıkes elıtalyq zıratqa jerlenetin tulǵalardyń tizimi ózgertilmek.

Qaıtys bolǵan (qaza tapqan) mynadaı adamdar Panteon aýmaǵynda jerlenedi:

1) Qazaqstan Respýblıkasynyń prezıdentteri;

2) Qazaqstan Respýblıkasynyń premer-mınıstrleri jáne olardyń orynbasarlary,  Parlament palatalarynyń tóraǵalary jáne olardyń orynbasarlary, memlekettik keńesshiler, Prezıdent ákimshiliginiń basshylary, Konstıtýsııalyq Sottyń, Joǵarǵy Sotynyń jáne  Ulttyq banktiń tóraǵalary;

3) mınıstrler, Prezıdentke tikeleı baǵynatyn jáne esep beretin memlekettik organdardyń basshylary, oblystardyń, respýblıkalyq mańyzy bar qalalardyń, astananyń ákimderi;

4) «Halyq qaharmany», «Qazaqstannyń Eńbek Eri» ataqtaryna ıe bolǵan adamdar;

5) «Altyn qyran», «Otan», «úsh dárejeli «Eńbek Dańqy» ordenderimen marapattalǵan azamattar;

6) «Keńes Odaǵynyń Batyry», «Sosıalıstik Eńbek Eri» ataqtaryna ıe bolǵan azamattar;

7) «Qazaqstannyń ǵaryshker-ushqyshy» qurmetti ataǵyna ıe bolǵan azamattar;

8) Prezıdenttiń erekshe sheshimi boıynsha basqa da azamattar;

9) Panteonda jerleýge jatatyn adamdarmen olardyń qaıtys bolǵan (qaza tapqan) jubaılaryn jerleýge bolady

Panteonda jerleýdi tirkeý kitaby júrgiziledi, onda qaıtys bolǵan (qaza tapqan) adam týraly mynadaı málimetter qamtylady:

1) tegi, aty jáne ákesiniń aty (bolǵan jaǵdaıda);

2) qaıtys bolǵan (qaza tapqan) adamnyń Panteonǵa ákelingen jáne máıit jerlengen kúnder

Osylaısha, Qazaqstan prezıdentteriniń otbasy músheleri, memlekettik hatshylar men Konstıtýsııalyq keńes tóraǵalary Panteonǵa jerlenetinder tiziminen shyǵarylady.

Sonymen qatar, qujattan «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenimen marapattalǵan azamattar tizimnen shyǵarylatyny belgili boldy.

Qazaqstan Respýblıkasynyń «Qazaqstan Respýblıkasynyń Tuńǵysh Prezıdenti – Elbasy týraly» Qazaqstan Respýblıkasy Konstıtýsııalyq zańynyń kúshi 2023 jylǵy 13 aqpandaǵy № 198-VII Konstıtýsııalyq zańmen joıyldy, delingen qujatta.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir