• USD 468.56

  • EUR 497.56

  • RUB 7.3

  • CNY 67.18

24 Sáýir, 22:31:53
+35°

21 Aqpan, 2024 Barlyq aımaqtar

Aqyly joldardy tez arada joıý kerek!

Ol da jaǵalasyp, halyqty alqymnan alyp jatyr.

Ǵalamtor jelisinen alyndy

Byltyr jeltoqsanda kólik mınıstri Marat Qarabaev aqyly joldardyń tarıfi qymbattaıtynyn málim etken.

Halqy kedeılenip kele jatqan Qazaqstanda biraz jyldan beri joldar aqyly bolyp bara jatqany belgili. Biraq sapasyna áli syn kóp.

«Qyzylorda – Almaty baǵytymen júk kóligimizben baryp-kelgenge 40 myń teńge tóleımiz. Aqysy men aıyppulyn tóleýdi sál keshiktirseń, sot oryndaýshylary shotymyzdy buǵattap tastaıdy. Jeńil kólik ıeleri de aıyna aqyly jolmen júrgeni úshin aıyna 15 myń teńge tólep júr. Buǵan jaǵdaıy joqtardyń shamasy kelmeıdi», deıdi júk kólik júrgizetin Ǵazız Oqap.

«Shymkent – Túrkistan arasyndaǵy jol óte nashar. Aqyly deýge uıalasyń.  Jol tegis emes, oı-shuqyr. Kópirlerdiń ústin aıtpaı-aq qoıaıyn. Dárethanalaryna kirýdiń ózi qorqynyshty. Tazalap jatqan eshkim joq. Tólep jatqan aqshalarymyz qaıda ketip jatyr sonda? Odan bólek, osy aqyly joldardyń kesirinen, azyq-túlik te qymbattap ketti. Jol aqysy qymbattasa, artynsha óńirlerdegi azyq-túlikter de qymbattap ketedi», deıdi Nurmuhanbet Amanov esimdi azamat.

Aıtpaqshy, aqyly joldyń aqysyn tólemegenderge 5 AEK – 17 250 teńge aıyppul, zańdy tulǵalarǵa 10 AEK 34 500 teńge aıyppul salynady.

Saıasattanýshy Sanjar Boqaev aqyly joldardyń aqshasy kólikke tólenetin salyqtan bólinýi qajet deıdi.

– Aqyly jol – kóptegen elde bar nárse. Biraq ol elderde joldy bıznes óz aqshasyna salyp, aqysyn alyp, sol joldardy sapaly ustaıtyn bıznes modeli qalyptasqan. Al bizde joldyń bári bıýdjet esebinen, ıaǵnı qazaqstandyqtardyń qaltasynan alynǵan aqshaǵa salynǵan. Endeshe Qazaqstanda joldyń aqysy kólikke tóleıtin salyqtan bólinýi kerek. Biz qazir kólik úshin bir salyq tóleımiz, joldy salýǵa eki tóleımiz, sosyn onymen júrgenimiz úshin taǵy da tóleımiz be? Bul durys emes!

Ekinshiden, aqyly joldardyń sapasy tómen, aqysy joǵary. Ásirese, bıznes ókilderi kóp tóleıdi. Mysaly, taýar tasýmen aınalysatyn bir kompanııanyń ıesi jeke kóligi úshin bir jylda 1 mıllıon teńgeden astam aqsha tólegen.

Aqyly joldardan túsetin aqsha joldy jóndeýge emes, «QazAvtoJol» shtatyndaǵylardyń aılyǵyna tólenip jatyr. Muny kólik mınıstriniń bilmeýi uıat.

«QazAvtoJoldyń» shtaty óte úlken. Halyqtyń jol aqysyna tólep jatqan aqshasy qur aılyq alyp qana júrgen adamdarǵa ketetin bolsa, onda aqyly jol nesine kerek. Onda sol personaldardy alyp tastap, joldardy tegin qylý kerek, – deıdi Sanjar Boqaev.

Bıfat Eltaeva

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir