12 Aqpan, 2024 Ekonomıka
Elimizde jalaqysy 900 myń teńge bolatyn mamandyqtar qandaı
Eńbek jáne áleýmettik qorǵaý mınıstrligi Elektrondy eńbek bırjasyndaǵy málimettermen bólisti. Onda joǵary jalaqy usynylatyn úsh mamandyqtyń aty atalady.
![](/media/2024/02/12/crop-4_5_715x953_dgalaqy.jpg?width=600&height=480)
gov.kz
Eńbek jáne áleýmettik qorǵaý mınıstrliginiń málimetinshe, 2024 jyly qańtar aıynda Elektrondyq eńbek bırjasynda jumys berýshiler 97,3 myń bos jumys ornyn usynsa, al jumys izdeýshiler 191,1 myń túıindeme ornalastyrdy.
О́tken jyldyń jeltoqsan aıymen salystyrǵanda bos oryndar sany 22,3 myńǵa (-19%) azaıyp, al túıindeme sany 132 myńǵa (+223%) ósken.
«Qańtar aıynda eń kóp bos jumys oryndary «bilim jáne tárbıe» (17,5 myń bos jumys orny) jáne «medısına jáne farmasevtıka» (8,5 myń) kásiptik salalarynda ornalastyryldy. О́z kezeginde jumys izeýshiler arasynda «bilim jáne tárbıe» (17,3 myń túıindeme) jáne «TKSh jáne abattandyrý» (8,2 myń túıindeme) kásiptik salalarynyń qyzmetkerleri tarapynan belsendilik baıqaldy», deıdi Kamılla Manakova.
Jalaqynyń eń joǵary mólsherin kóbine óz túıindemelerinde «úlken derektermen jumys jónindegi maman» (orta eseppen 1,3 mln teńgeden bastap), «bıznes-prosesterdi ońtaılandyrý jónindegi basshy» (1,2 mln teńgeden bastap), sondaı-aq «óndiristik operasııalar jónindegi ınjener» (1,2 mln teńgeden bastap) mamandyqtary boıynsha jumys izdeýshiler kórsetken.
Eń kóp jalaqyny jumys berýshiler óndiristegi baza bastyqtaryna (900 myń teńgeden bastap), jobalaýshy ınjenerlerge (800 myń teńgeden bastap) jáne bas qurylysshylarǵa (790 myń teńgeden bastap) usyndy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir