«Shymshyq soısa da, qasapshy soısyn»

Qazaqstanda endi arnaıy pedagogıkalyq mamandyǵy joqtar da sabaq bere alady. Iаǵnı, 4 jyl pedagogıkalyq mamandyqty oqymaı-aq kez kelgen adam mektepte bilim bere alady degen sóz. 

Bilim sapasy onsyz da nashar el edik, endi bar-joǵy 6 aı kýrstan ótip alyp muǵalim bolý qısynǵa syımaıtyn sekildi.

"Qazbilim Group" kompanııasy basqarma tóraǵasy Aıatjan Ahmetjanuly muny jyldan-jylǵa mektepte oqýshy sanynyń artýynan týyndaǵan kadr tapshylyǵymen túsindiredi.

– Bul sheshim qabyldanýynyń basty sebebi – kadrlardyń jetispeýi. Shyny kerek, mektepterde ósim bar. 2023 jyly 11-shi synypty 176 myń bala bitirdi, tórtinshi synypty 410 myńǵa jýyq bala bitirdi. Elimizde 3 myńnan astam pedagog maman jetispeıdi. Aldaǵy bes jylda kadr jetispeýshiligi 10 myńǵa jetýi múmkin. Sondyqtan pedagogıkalyq mamandyǵy joqtar qaıta daıarlaýdan ótip, sabaq berýine qarsy emespin. Sebebi, buryn pedagog mamandyǵyn tolyq bitirmeı, ǵylymı mamandyqqa ne basqa salaǵa ketken bilimi jaqsy mamandar bar. Solar qaıta oralsa, qarsy emespin. Biraq pedagogıkalyq mamandyq árkim kelip-ketetin mamandyq bolmaýy tıis, – deıdi ol.

Anyǵynda, elimizde pedagog mamandardy daıyndaıtyn joǵary oqý oryndary kóp. Jylda pedogogıkalyq mamandyqtardy tańdaıtyn túlekter de az emes. Solaı bola tura, nege kadrdy syrttan izdeý kerek degen suraqqa Aıatjan Ahmetjanuly arnaıy pedagog mamandyǵyn bitirgen stýdentterdiń kóbiniń bilimi nashar ekenin aıtty. 

– Pedagogıkalyq mamandyqty kezinde balldary tómen túlekter tańdaǵan. Jalpy bul mamandyqqa belgili bir emtıhandar arqyly qabyldaý úrdisi bolsa, durys edi. Qazir maman jetispeıdi dep bir synyptyń balalaryn 40-qa jetkizse, bilim sapasy tómendeıdi, dedi ol.

Zeınetker ustaz Meıramkúl Turanova ár salada óz mamany jumys isteýi kerek deıdi. О́ıtkeni medısına qyzmetkerleri sekildi mauǵalimderge de bolashaq jas urpaqtyń taǵdyry senip tapsyrylady. Joǵary bilimdi kez-kelgen maman pedagogıkalyq qyzmetti árbir pánniń ózine tán qıyndyǵy men metodıkasyn meńgerip ketetinine kúmán bar. Qazirgi zamanda dıplomdy satyp alyp, saýatsyz, taıaz bilimdi túlek daıyndap, óz pánin jetik bilmeıtin muǵalimder qatary kóbeıip ketti.

Bilim sapasy – ult bolashaǵy. Pedagogıka mamandaryn daıyndaýdan buryn muǵalimdi kósheden ákelý qaı sasqanymyz?