Sheneýnikterdiń mıyndaǵy jasandy shyndyq qaýipti – Dosym Sátbaev

Premer-mınıstr laýazymyna jasandy ıntellektini taǵaıyndaı salsaq durys bolar edi. Onyń bir ózi Úkimettiń bar jumysyn atqara berer edi.

Biraq, olaı etsek, memlekettik apparat qarap otyrmaıdy ǵoı...

«Jaryqty sóndiredi. Jantalasyp birden shalt áreketke kóshedi. Sóıtip istetpeı tastaıdy ony da. Kórdińizder me, tipti kez-kelgen jasandy ıntellektiniń ózi ishki nomenklatýralyq ómirsheńdik túısigine tótep bere almaıdy.

Bizdegi shyndyq, mine osy! Jasandy ıntellekti qaýipti dep júr ǵoı bireýler.

Jooo... Joooq! Shynaıy ómirden birjola qol úzgen, memlekettik apparat júıesiniń tamasha jumys istep jatqanyn kózboıaýshylyqpen kórsetýdi ábden meńgerip alǵan, ári ózderi soǵan senetin sheneýnikterdiń mıyndaǵy jasandy real qaýipti. Ol Premer-mınıstr, mınıstrler qansha jerden aýyssa da jolyndaǵy kez-kelgen nárseni álemtapyraq qylyp talqandaı beredi, ádemi josparlardy da, myqty jobalardy da...  

Qazaqstandaǵy Premer-mınıstr degen, eń birinshi kezekte ishki nomenklatýralyq toptardyń kóńiline jaǵatyn, bárimen ortaq tilge kele alatyn jaltaq tulǵa bolýy tıis. Oǵan qosa, onyń biligi men biliminen góri Prezıdentke jaqyn bolǵany mańyzdy. Jyldar boıy bizde osylaı bolyp keledi.

Úkimetimiz zańdylyqqa sáıkes, ortaq múddege toptasqan biryńǵaı komanda da emes. Olaı bolsa, «bólip al da bıleı ber» degen qaǵıdat jumys istemeı qalady emes pe? Jalpy, eldik emes, jeke múddedegilerdi basqarý, eldi tyǵyryqqa tireý ońaı. Al ońaı, tegin nársege bári úıirsek keletini belgili...», dep jazypty saıasattanýshy jelidegi paraqshasyna.