Ákimdik janyna vanna ákelip, sýǵa shomylǵan bloger qamaýǵa alyndy

Almaty oblysy, Talǵar qalasynda aqshasy joq bloger 2 aqpanda keshke taman jol ortasyna sýǵa shomylatyn vannany alyp shyǵyp, sýǵa túsken. Sabyndy kópirshikke kıimsheń qoıyp ketken ol qolyndaǵy bokalǵa qyzyl sharap quıyp ishedi. Osylaısha aıaq-asty shoý uıymdastyrǵan jigittiń tegin Daewoo Nexia kóliginen dámesi bolypty (sol kezde sondaı aksııa ótip jatqan - avt.).

Tegin kólik utqan-utpaǵanyn bilmeımiz, biraq ol búgin sot sheshimimen 15 táýlikke qamaýǵa alyndy.

Tergeý barysynda jigittiń qolyndaǵy qyzyl sharap emes, jemis sýsyny ekeni de anyqtaldy.

Alaıda sot 24 jastaǵy bloger óziniń bul áreketimen qoǵamdyq tártipti buzdy, aınalasyndaǵylarǵa qurmetsizdik tanytty, jaıaý júrginshilerge kedergi keltirdi dep sheship, ony 15 táýlikke qamaýǵa alý túrinde úkim shyǵardy.