05 Aqpan, 2024 Ákim kim?
Qaraǵandy oblysynda aýyl ákimi qamaýǵa alyndy
Shendiniń spırttik ishimdikke áýestigi bary, al iship alsa kóliginen túspeıtini belgili boldy.
![](/media/2024/02/05/crop--1_1_277x369_usta.jpg?width=600&height=480)
Ashyq derekkóz
«Qaraǵandy oblysy, Buqar Jyraý aýdany, Mustafın aýylynyń ákimi Qaırat Qusaıynov 3 aqpanda mas kúıinde kólik júrgizip, polıseılerdiń qolyna túsken.
Saraptama ortasha mas bolý faktisin tirkedi», dep jazady «Vechernıaıa Karaganda» Telegram arnasy.
Bir qyzyǵy, buǵan deıin de shendi mas kúıinde ustalǵan. Ol kezde, ıaǵnı 2018 jyly Qaırat Qusaıynov Buqar Jyraý aýdanynyń Qýshoqy aýylynyń ákimi bolypty. Máselesi maıshammen qaralǵanda sol kezdegi Ádep jónindegi keńeste memlekettik qyzmetker ózin koronavırýs kezeńindegi soldatqa teńegen. Sóıtip karantınde ákim kóligimen shuǵyl kómekti qajet etetin aýyl adamdaryn aýdanǵa tasyǵanyn aıtyp, qutylǵan. Aldynda osylaısha eskertýmen aman qalǵan ákimniń bul jolǵy taǵdyry ne bolady? Ony alda ótetin kezekti Ádep jónindegi keńes sheshedi.
Al ákimshilik sot ákimdi kólik júrgizý quqyǵynan jeti jylǵa aıyryp, ony 15 táýlikke qamaýǵa alýdy buıyrǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir