Reseıdiń kúni jumyrtqaǵa qarap qaldy

2023 jyldyń sońynan beri Reseıde jumyrtqa tapshylyǵy sezile bastaǵan bolatyn. Bıyl Reseıdegi saýda ortalyqtary men dúken sórelerinen jumyrtqa tabý tym qıyn boldy. Jumyrtqanyń jetpeı jatqanyn Reseı prezıdenti Pýtınniń ózi áńgime qylǵan soń ne deımiz?

Eske sala ketsek, byltyr kúzde bizdiń sarapshylar Reseı Qazaqstannyń qus eti men jumyrtqasyn túk qaldyrmaı, túp kóterip ketýi múmkin dep alańdaǵan bolatyn. Sonyń artynsha Qazaqstanda jumyrtqa baǵasy edáýir kóterilip ketken edi.

Reseıdegi jumyrtqa tapshylyǵy taǵy da Qazaqstannyń jaǵdaıyna áser etkeli otyr.

Sebebi, Reseı kórshilerinen kómek surýdy bastap ketti. Ázerbaıjan men Túrkııadan jumyrtqa alýdy birneshe ese arttyrýǵa kelisken. Pýtın Belarýs basshysyna ótinish jasap, Mınskten de jumyrtqa almaq. Sondaı-aq jumyrtqa daǵdarysyn sheshý úshin Qazaqstanǵa da ótinish jasap otyr.

Bul Qazaqstanda jumyrtqanyń qymbattaýyna alyp keleri sózsiz.

Kórshi eldegi máselege qatysty Qazaqstannyń premer-mınıstriniń orynbasary Serik Jumanǵarın reseılik taraptyń saýda oryndaryna jetkizetin jumyrtqa sanyn arttyrýdy surap jatqanyn aıtady.

Reseılik tarap jumyrtqany kóbirek berińizdershi dep Qazaqstanǵa qolqa salyp, saýda Serik Jumanǵarın aýyl sharýashylyǵy mınıstrligine tez arada qazaqstandyq jumyrtqany RF shekaralas aımaqtaryna jetkizýdi arttyrý múmkindigin izdeýdi tapsyrdy.

Reseı Qazaqstan túgili, Soltústik Koreıadan da jumyrtqa suraǵan kórinedi.

Sarapshylar jumyrtqa tapshylyǵyn Reseıdegi áleýmettik jaǵdaıdyń qıyndaı túskeniniń kórsetkishi dep otyr.