Almatyda prezıdenttiń jańa jyldyq shyrshasy ótti

Almatyda «Jańa jyl elimizdi aralaýda» dástúrli Prezıdent shyrshasy ótti. Merekege 300-den astam bala, onyń ishinde jetim balalar, ata-ananyń qamqorlyǵynsyz qalǵan balalar, az qamtylǵan jáne kópbalaly otbasylardan shyqqan balalar, erekshe bilim berý qajettilikteri bar balalar, sondaı-aq oqýda, sportta jáne shyǵarmashylyqta jetistikke jetken daryndy balalar shaqyryldy.

Memleket basshysy Qasym-Jomart Toqaevtyń atynan shyrsha qonaqtaryn Almaty ákimi Erbolat Dosaev quttyqtap, balalarǵa zor densaýlyq, tabys jáne jańa jylda barlyq nıet- armandarynyń oryndalýyn tiledi.

Konserttik baǵdarlama «Jańa jyldyq sıqyr» mýzykalyq-ınteraktıvti shoý-spektakli boldy. Spektakldiń ajyramas bóligi Erkesh Hasenniń oyrndaýynda «Jańa jyl» ániniń oryndalýy men balalardyń shyrshany aınalyp, osy ándi aıtýlary arqyly Shyrshanyń jaǵylýy, Aıaz Ata men Aqsha qardyń, 2024 jyldyń sımvoly – aıdahar men tanymal mýltfılmder men anımatorlar keıipkerler boldy.

Aıta keterligi, bıyl shyrshanyń tómengi bóligine oıynshyqtar ilinbedi, balalar ózderi ony bezendirýge qatysyp, «jasyl shyrshaǵa» jańa jyldyq oıynshyqtardy ildi. Is-shara sońynda barlyq qonaqtar Qazaqstan Respýblıkasy Prezıdentiniń atynan jańa jyldyq syılyqtar aldy.