08 Jeltoqsan, 2023 NEWS
![](/media/2023/12/08/crop-47_94_859x1527_28b577b6-db13-446d-9d91-a5d127002221.jpeg?width=600&height=480)
Foto: Májilistiń baspasóz qyzmeti
«AMANAT» partııasy áıelder qanatynyń I otyrysyna qatysýshylar Ádiletti Qazaqstandy qurý isindegi áıelder rólin talqylady.
«AMANAT» partııasy áıelder qanatynyń I otyrysyna óńirlerden kelgen 100-den astam belsendi áıel qatysty. Olar eki kún boıy áıelderdiń memlekettiń qoǵamdyq-saıası ómirine qatysý aıasyn keńeıtý, kásipker áıelderdi qoldaý jáne ınklıýzıvti qoǵamdy damytý máselelerin talqylady.
Sóz basynda Májilis Spıkeri, «AMANAT» Tóraǵasy Erlan Qoshanov genderlik teńdikti qamtamasyz etý, áıelderdiń quqyǵyn qorǵaý jáne otbasylyq qundylyqtardy nyǵaıtý máselesi árqashan Memleket basshysy Qasym-Jomart Toqaevtyń nazarynda ekenin atap ótti.
«Áıelder qanaty óz jumysyn bastaǵannan keıin genderlik máseleler bıik minberden jıi aıtyla bastaıdy. Biz belsendi áıelderdiń basyn qosyp qana qoımaı, sheshim qabyldaýǵa jáne jaýapkershilikti óz moınyna alýǵa qabiletti kóshbasshy áıelderdiń jańa býynyn qalyptastyrýymyz kerek. Qazirdiń ózinde partııamyzdyń qatarynda jaýapty jumysqa, onyń ishinde depýtat, ákim laýazymdaryna daıyn áıelder óte kóp», –dedi ol.
Delegattar Prezıdent Joldaýy men onyń saılaýaldy baǵdarlamasy, sondaı-aq «AMANAT» partııasynyń saılaýaldybaǵdarlamasy aıasynda elimizde ana men bala baqytty ómir súrýi úshin jaǵymdy jaǵdaı jasalyp jatqanyna nazar aýdardy. Atap aıtqanda, bala kútimine beriletin tólem 1,5 jasqa deıin uzartyldy, kópbalaly analarǵataǵaıyndalǵan járdemaqy mólsheriulǵaıtyldy, áleýmettik jaǵdaıy osal otbasydan shyqqan 100 myńnan astam bala balabaqshalarda tegin tamaqpen qamtyldy, al 2024 jyly 1 qańtardan bastap «Ulttyq qor – balalarǵa» dep atalatyn múldem jańa baǵdarlama iske qosylady.
Sondaı-aq, kezdesýge qatysýshylar aýyl turǵyndarynyń tabysyn arttyrýǵa arnalǵan «Aýyl amanaty» jobasyna qatysýshylardyń shamamen 30%-y qyz-kelinshekter ekenin atap ótti. Al qarjylyq saýatty arttyrýdy kózdeıtin «Qaryzsyz qoǵam» jobasy túlekteriniń 58%-y – kópbalaly analar.
О́z kezeginde, Tarazdan kelgen delegat, «Jan Shýaq» syılyǵynyń laýreaty Anar Beksultanova áıelder men áleýmettik kásipkerlikti qoldaýdyń mańyzyna toqtaldy.
«Biz birlesip bıznesti ǵana emes, sonymen qatar, kez-kelgen qıyndyqty jeńip shyǵýǵa daıyn kúshti, sheshimdi áıelder qaýymdastyǵyn quramyz. Meniń tigin sheberhanamdaǵy ár tigis ınklıýzıvtibolashaqqa jasalǵan qadam sanalady. Ondaárbir adam fızıkalyq ereksheligine qaramastan, qoǵamǵa óz úlesin qosyp, shyǵarmashylyǵyn shyńdaı alady», – dedi ol.
Kókshetaýdan kelgen delegat Aınagúl Baltashevanyń aıtýynsha, erekshe balalardy tárbıelep otyrǵan analarǵa qoldaý kórsetý qajet.
«Qabyldanǵan ózgeristerdiń nátıjesinde, qurdastarymen teń jaǵdaıda bilim alyp jatqan erekshe balalarǵa arnaıy psıhologııalyq-pedagogıkalyq qoldaý kórsetýúshin memlekettik bilim berý tapsyrysy engizildi. Alaıda, aımaqtarda mundaı mekemeler áli de jetkiliksiz. Sondyqtan memlekettik tapsyrysty ornalastyra otyryp, múmkindigi shekteýli balalarǵa arnalǵan arnaıy ońaltý ortalyqtarynbarynsha kóp ashý qajet», – dedi ol.
«AMANAT» partııasynyń Hatshysy Sholpan Karınova is-shara moderatoryboldy. Jıynǵa qatysýshylar birqatar bastamakóterdi. Atap aıtqanda, óskeleń urpaqtytárbıeleý jáne asosıaldyq qubylystardyń aldyn alý máseleleri boıynsha oblys ákimderiniń turaqty tyńdaýyn ótkizý, áıelderdiskrınıngten ótkizý jáne olardyń densaýlyǵyn qadaǵalaý maqsatynda «Áıel saýlyǵy deni saý urpaq kepili» jańa jobasyn iske qosý syndy usynystar aıtyldy.
Sonymen qatar, Ulttyq ǵylym akademııasynyń prezıdenti Kúnsulý Zakarıa«QazScience – AMANAT fest» halyqaralyq ǵylym festıvalin ótkizýdi usyndy. Áıelder qanatynyń teń tóraǵasy Zarema Shaýkenovajańa Etıkalyq Kodeks pen «Psıhologııalyq qyzmet týraly» zańdy ázirleý jóninde bastama kóterdi. Májilis depýtaty Juldyz Súleımenova óz sózin áıel kóshbasshylardy daıarlaý ádisine arnady, al onyń áriptesi Iýlııa Kýchınskaıa – harassment, genderlikbıýdjet jáne genderlik saraptama máseleleri boıynsha zańdarǵa túzetýler engizýdi usyndy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir