О́zi EKO arqyly týǵan qyz dúnıege sábı ákeldi

EKO-ny alǵash ret Qazaqstanǵa endokrınolog Saltanat Baıqoshqarova ákelgen bolatyn. Sodan beri «Ańsaǵan sábı» baǵdarlamasy aıasynda 5 myńnan astam bala EKO arqyly dúnıege keldi. Bul qýanyshty jańalyq.

Desek de, halyq arasynda EKO-men týǵan balalar urpaq jalǵastyra ala ma, degen suraq boldy. Byltyr Qazaqstanda EKO arqyly dúnıege kelgen 2004 jylǵy qyz tabıǵı jolmen ana boldy. Ol endokrınolog Saltanat Baıqoshqarovaǵa jazǵan hatynda bylaı degen:

– Saltanat hanym, óz oqıǵammen bólissem dep edim. Men sizdiń qolyńyzdan EKO-men dúnıege kelgen qyzbyn. Anam 2004 jyly dúnıege alyp keldi. 10 jyl degende kórgen qyzy edim. Menen soń anam taǵy bir uldy dúnıege alyp keldi. biraq ol tabıǵı jolmen týǵan. Men bolsam, EKO-men týǵan qyzdar bedeý bolady, uldar urpaq jalǵastyra almaıdy degen sózderdi kóp estımin. Sony oılap ýaıymdaıtynmyn. Biraq onyń ótirik áńgime ekenin túsindim. Turmys qurǵan soń 2 aıdan soń júkti ekenimdi bildim. Qýanyshymda shek bolmady. Júktiligim jaqsy ótti. Aman-esen bosanyp, salmaǵy 3,5 keli sábıimdi dúnıege ákeldim, deıdi.

Halyqtyń kókeıindegi saýaldyń jaýaby osy. Biraq EKO-men týǵan qyz ana boldy, al uldar jaǵy qalaı bolmaq, degen ýaıym bar áli. Bul saýalǵa «EKOMED» Adam urpaǵyn órbitý klınıkasynyń ǵylymı dırektory Saltanat Baıqoshqarova bylaı jaýap beredi:

– EKO ádisi elimizde 27 jyldan beri sátti qoldanylyp keledi. Álemde bul ádispen týǵan 10 mıllıonǵa jýyq bala ómir súrýde. Sonda da osy ýaqytqa deıin EKO tóńiregindegi túrli saýaldar kóp. Sonyń biri EKO arqyly týǵan ul bala urpaq jalǵastyra ala ma, degen suraq. Árıne, olar áke bola bolady. Jasandy jolmen týǵan balanyń tabıǵı jolmen týǵan baladan esh aıyrmashylyǵy joq. Taǵy bir aıta keterligi, 95 paıyzǵa jýyq jaǵdaıda bedeýlik júre paıda bolady. Iаǵnı, ómirde bolǵan sýyq tııý, ınfeksııa, operasııalardan keıingi qabyný prosesteri, jatyrdan tys júktilik, abort, ekologııa, kúızelis sııaqty faktorlardyń sebebinen kóbinese júre paıda bolady, deıdi ol.