• USD 468.56

  • EUR 497.56

  • RUB 7.3

  • CNY 67.18

23 Aqpan, 08:36:42
+35°

04 Jeltoqsan, 2023 Saıasat

"Qazaqstan zańsyz qurylǵan el" deıdi

Reseıdiń depýtaty Qazaqstandy nege mensinbeıdi?

Foto ǵalamtor jelisinen alyndy

Reseıdiń memlekettik dýmasynyń depýtaty, arandatýshy Evgenıı Fedorov taǵy da qusypty.

Ol «Qazaqstan táýelsiz el bola alady, biraq NATO-ǵa kirmeýi kerek» deı otyryp, «Halyqaralyq quqyqqa sáıkes, Qazaqstan keńes odaǵynan shyqqan joq. Bul zańdy fakt, basqa eshteńe joq. Aıtpaqshy, QazSSR belgili bir ókilettik pen mártebege ıe emes, memleket quramyndaǵy memleket boldy. Reseı táýelsiz Qazaqstanmen belgili bir geosaıası shekteýler qoıyp aralasýy kerek dep esepteımin. Onyń táýelsiz bolýǵa, memlekettilikke ıe bolýǵa tolyq quqyǵy bar. Qandaı shekteýler? Mysaly, NATO-ǵa kirmesin. Reseıge qarsy áskerı sıpattaǵy halyqaralyq máselege aralaspasyn», depti depýtat.

Bul – Fedorovtyń jasaǵan birinshi málimdemesi emes. Buǵan deıin de ol áriptesi Vıacheslav Nıkonovtyń Qazaqstanǵa qatysty «Soltústik Qazaqstan – Reseıdiń Qazaqstanǵa bergen syılyǵy» degen pikirin qoldap: Qazaqstan «syılyq almadym» dep eseptese, onda basqasha sóılesý kerek. Reseı zańsyz jolmen alynǵan nárseni qaıtarýdy talap etýge májbúr bolady» degen pikir bildirgen bolatyn.

Artynsha Reseı depýtattarynyń pikirleri úlken daýǵa ulasyp, reseılikter arasynda saýalnama júrgizildi. Nátıjesinde, respondentterdiń 36 paıyzy Qazaqstannyń ǵana emes, kóptegen TMD elderiniń aýmaǵyn da «syılyq» dep sanaıdy eken. Taǵy 25%-y bul tujyrym «saıası turǵydan durys emes» ekenin aıtqanymen, depýtattyń sózine qosylatynyn bildirgen.

Kúni keshe májilis otyrysynda depýtat Marat Báshimov Qazaqstannyń egenmendigi men aýmaqtyq tutastyǵyna qatysty jalǵan, arandatýshylyq málimdemelerimen belgili bolǵan Fedorovtyń taǵy da «haıp» jasap otyrǵanyn aıtady. Onyń pikirinshe, birinshiden, ol separatızm úshin laıyqty túrde sottalǵan «Petropavldyń halyqtyq keńesi» dep atalatyn jıynǵa qatysýshylarǵa shyqqan sot úkimine renjýli. Ekinshiden, ol Qazaqstandy «tolyq quqyqtyq sıpattaǵy aýmaq» dep atady.

– Memlekettik dýma depýtatynyń 13 jastaǵy bala sekildi arandatýshylyq áreketterine túsinikteme berý qıyn. Ári Fedorovtyń sózi tarıhqa qaıshy keledi. Ol faktilerdi dóreki túrde qoldanyp, KSRO-nyń ydyraý prosesi qalaı ótkeni týraly ádeıi únsiz qalady. Sonymen birge, Fedorov óz prezıdentiniń resmı saıasatyna qarsy, – deıdi májilismen.

Arandatýdyń aty arandatý. Reseıdiń memdýma depýtattary men saıasatkerleri  Qazaqstanǵa qatysty nebir soraqy málimdemeler jasasa da, Qazaqstan bıligi onyń bárine «bul Kremldiń resmı ustanymy emes» dep qarap, kóz jumyp keledi.

Bıfat Eltaeva

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir