«Jastar Jalyny-2023»: Astanada jastar shyǵarmashylyq festıvali bastaldy

Astananyń joǵary oqý oryndary men stýdent jastary arasynda «Jastar Jalyny-2023» shyǵarmashylyq festıvali bastaldy. 13 jeltoqsan kúni saǵat 17:00-de E.Rahmadıev atyndaǵy Memlekettik akademııalyq fılarmonııada festıvaldiń saltanatty jabylý rásimi ótedi, dep habarlaıdy elorda ákimdiginiń resmı saıty.

Búgin, ıaǵnı 4 jeltoqsan kúni bastalyp, 12 jeltoqsanǵa deıin sozylatyn festıval barysynda jastar 10 nomınasııa boıynsha synǵa túsedi.

Festıval Astana qalasynyń Jastar saıasaty máseleleri basqarmasynyń qoldaýymen ótedi.

«Jastar Jalyny-2023» festıvali jastardyń shyǵarmashylyq áleýetin ashý, daryndy jastardy anyqtaý, daryndy balalar men ujymdardyń shyǵarmashylyq damýyna qoldaý kórsetý jáne jaǵdaı jasaý, rýhanı jáne mádenı áleýetin damytý, stýdentterge estetıkalyq jáne etıkalyq tárbıe berý júıesin jetildirý, belsendi azamattyq, áleýmettik jaýapkershilik, patrıottyq sezim, adamgershilik qundylyqtar men kóshbasshylyq qasıetterdi arttyrý maqsatynda ótkiziledi.

Festıvaldiń konkýrstyq baǵdarlamasyna Astana qalasynyń 15 ýnıversıteti qatysady.

«Jastar Jalyny-2023» festıvalinde usynylǵan nomınasııalar:
Estrada, Ulttyq bı, Zamanaýı bı, Mýzykalyq aspaptar, Shahmat, Poezııa, Medıa, Teatr, Sýret, Qazaq Quiz, «Jastar Jalyny-2023» festıvaliniń qazylar alqasy elimizdiń eń tájirıbeli mamandarynan jasaqtaldy.

Baǵdarlamany mádenıet jáne óner qaıratkerleri, elimizdiń eńbek sińirgen ártisteri, kásibı horeograftar men vıdeograftar baǵalady.