01 Jeltoqsan, 2023 NEWS
Foto: Abaı oblysy ákimdigi
«О́skemen-Taldyqorǵan» respýblıkalyq mańyzy bar avtojolynyń «Aıagóz - 92 shaqyrym - Úsharal» ýchaskesindegi jol qozǵalysy ashyldy.
Endi kólik júrgizýshilerine aınalma jolmen emes, negizgi jolmen júre ruqsat berildi. «Qazavtojol» Ulttyq kompanııasy» AQ fılıalynyń ókilderi bul ózgeris tek qys mezgilinde ǵana ekenin eskertti.
«Qys mezgilinde jáne kóktemge deıin júrgizýshiler negizgi jolmen júre alady. Kelesi jyly joldy asfalttyń ústińgi qabatymen jabý jumystary qaldy. Merdigerlerge osy jumysty ǵana aıaqtaý qajet. Aldaǵy jyly nysandy tolyq paıdalanýǵa berýdi josparlap otyrmyz», - dedi Abaı oblystyq fılıal dırektory Aıdyn Eskenov.
Joldyń bul bóliginde asfalttyń ústińgi qabatyn tóseý jáne aıaqtaý 2024 jylǵa josparlanǵan.
Aıta ketsek, oblystaǵy aýdandyq jáne oblystyq mańyzy bar joldardyń jalpy kólemi 4,5 myń shaqyrymdy quraıdy. 2023 jyly 235 shaqyrym jolǵa asfalt tóseldi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir