• USD 468.56

  • EUR 497.56

  • RUB 7.3

  • CNY 67.18

23 Aqpan, 08:10:14
Almaty
+35°

30 Qarasha, 2023 Áleýmet

Qazaqstanda sheteldikter saýsaq izin tirkeýge mindetti bolady

Qazaqstan azamattary úshin saýsaq izin tirkeý erikti túrde júrgiziledi.

ashyq derekkózden

Qazaqstannyń májilisi memlekettik korporasııa máseleleri boıynsha ózgerister men tolyqtyrýlar engizý týraly zańdy qabyldap, senatqa joldaǵanyn habarlady.

Túzetýlerge sáıkes, seriktestik uıymdar men kelisimder ınstıtýty engiziledi. Búginde pılottyq rejımde aýyldarda «Qazposhta» bólimshelerinde front-ofıster tabysty jumys istep jatyr. Memlekettik qyzmetter banktik qosymshalarda qol jetimdi.

Zań boıynsha memlekettik qyzmet kórsetý prosesi ekige bólinedi. Memlekettik qyzmetterdi tek memlekettik organdar ǵana kórsetedi, al nátıjelerdi qabyldaý men berýdi memlekettik organdar derbes nemese áriptestik uıymdar arqyly júzege asyra alady.

Qujattardy alǵan kezde Qazaqstan azamattarynyń saýsaq izin tirkeý mindettiligi alynyp tastalady. Iаǵnı, olar tirkeýden óz erkimen óte alady. Bul rette saýsaq izi sheteldik azamattar úshin mindetti bolady.

Sondaı-aq sheteldikter men azamattyǵy joq adamdar úshin jeke sáıkestendirý nómirin alý úshin Qazaqstan aýmaǵyndaǵy tirkeý organdaryna jeke ótinish berý talaby engiziledi. Buryn olar muny elge kelmeı-aq senimhat boıynsha jasaı alatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir