"Qazaqtar túnimen uıyqtamaıdy dep oılaısyzdar ma?": Qazybek Isa mınıstrge suraq qoıdy

Mádenıet jáne aqparat mınıstri Aıda Balaeva májilis otyrysynda "Mass medıa" týraly zań jobasyn tanystyrdy. Jobanyń tanystyrylymynan keıin depýtat Qazybek Isa mınıstrge suraq qoıdy. Depýtat qazaq tilindegi habarlar sanyn 70 paıyzǵa kóbeıtý keregin aıtty. 

"Qazaq halqynyń sany 70 paıyzdan asyp, qazaq tildi mektep bitirýshilerdiń granty 70 paıyzǵa jetti.Al qazaq tildi You Tube arnalardyń jazylymy ózge tilderge salystyrǵanda 10 ese kóp. Bir ǵana «Oıan, qazaq!» fılmi rekord jasap, mıllıondaǵan qaralym jınady. Alaıda qazaqsha oqymaıtyn qazaq úkimeti qazaq tiline degen talaptyń óte joǵary ekenin qaıdan bilsin. Qazaq tildi habarlardyń bári el jatyp qalǵan tún jarymdarda kórsetiledi. Qazaqtar túnimen uıyqtamaıdy dep oılaısyzdar ma? Bul qazaqsha habarlar 70 paıyzdan kem bolmaı, el kóretin ýaqytta kórsetilýi tıis. Bul talapqa qalaı qaraısyz?", - dedi depýtat Qazybek Isa. 

Aıda Balaeva elimizdegi BAQ ókilderiniń kóbi jekemenshik ekenin aıtty. Jekemenshik BAQ-tyń qaı tilde habar berýine baılanysty mınıstrlik talap qoıa almaıdy. 

"Qazir 5459 buqaralyq aqparat quraly resmı tirkelgen bolsa, sonyń 90 paıyzy jekemenshik. Sondyqtan bıznes sýbektilerine jatady. Sol sebepti Ulttyq ekonomıka mınıstrligi arnaıy saraptama júrgizýde. Sonyń nátıjesi shyqqan soń ózderińizge aıtatyn bolamyz. Al qazaq kontentin kóbeıtýge kelsek, maǵan salsa bárin 100 qazaqsha qylar edim", - dedi  mınıstr.