• USD 468.56

  • EUR 497.56

  • RUB 7.3

  • CNY 67.18

23 Aqpan, 07:01:11
+35°

29 Qarasha, 2023 Saıasat

Qazaqtyń áıgili jelaıaǵy 7 jylǵa sottaldy

Jylanbaev 1963 jyly Qaraǵandy oblysynda týǵan. 7 jasynda áke-sheshesinen aıyrylyp, jetimdik pen joqshylyq kórgen.

ulysmedia.kz

Astana qalasynyń qylmystyq ister jónindegi aýdanaralyq soty belsendi Marat Jylanbaevqa úkim shyǵardy.
 
Jylanbaev tyıym salǵan ekstremıstik uıymdy qarjylandyrǵany jáne onyń qyzmetine qatysqany úshin aıyptalǵan bolatyn.
 
Sot úkimimen Marat Jylanbaev QR QK-niń 258-baby 2-bóligi jáne 405-babynyń 2-bóligi boıynsha qylmys jasaǵany úshin kináli dep tanylyp, 7 jylǵa bas bostandyǵynan aıyryldy.
 
Sonymen qatar, ol qoǵamdyq-saıası qyzmetpen, onyń ishinde buqaralyq aqparat quraldary men telekommýnıkasııa jelilerin paıdalaný quqyǵynan 3 jyl merzimge aıyryldy.
 
Úkim zańdy kúshine engen joq.

Marat Jylanbaev – alys qashyqtyqqa júgiretin sportshy, halyqaralyq dárejedegi sport sheberi.

90-shy jyldary "Gınnestiń rekordtar kitabyna" jeti ret esimi jazylǵan. 

Marat Jylanbaev Eýropanyń eń bıik shyńy Elbrýsqa (5642 metr) marafondyq júgirispen jeti kúnde júgirip shyqqan.

1992 jyly 20 kúnde Qaraqum shólin (1000 shaqyrym), 1993 jyly jıyrma tórt kúnde qara qurlyqtaǵy Sahara shólin (1700 shaqyrym) júgirip ótken.

1500 shaqyrymdyq Úlken Vıktorııa shólin de baǵyndyrdy. 1994 jyly on bes kúnniń ishinde Mohava shólin (1218 shaqyrym) kesip ótken.

"Qamshy" silteıdi
Ilmek sózder: Marat Jylanbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir