“Jala jappa!" Rýstam Maqsutovty “QAZAQSHA terapııaǵa" shaqyrdy

Joba avtorlary qaıyrymdylyq qorymen kelissózder júrgizip, endi resmı túrde konsertten túsken qarjynyń belgili bir bóligin “Asarýme” qaıyrymdylyq qory arqyly jaǵdaıy tómen otbasyǵa bermek.

– Sahnanyń ishi-syrtyn qosqanda 50 den astam ónerpazdyń birneshe aılar boıy eńbek teri sińgen QAZAQSHA terapııamyzdy ár QAZAQ balasy kórse, naǵyz qazaqy atmosferany sezinse eken deımiz. О́ıtkeni qazaqtyń tarıhy, dástúri qazaqtan basqa eshkimge kerek emes.
Bul keshten ultqa, ulttyq aspaptarymyzǵa, dástúrimizge degen mahabbatyńyz eselep artyp, rýhyńyz kóterilip shyǵatynyńyzǵa men kepilmin! – deıdi Á.Esjan.

Áset Esjan qazaqtildi aýdıtorııaǵa arnalǵan ánder tek meıramhanada qoıýǵa jaraıdy degen FM Business radıosy basshysynyń sózin synady.  

– Talǵamy bıik adamdardyń ambassadory, sizdi 3 jeltoqsanda ótetin “QAZAQSHA terapııa" konsertine shaqyramyn! Aldynǵy qatardan ózińizge arnaıy oryn bereıin! Osy konserttik keshti kórgen soń, qazaq áýenderinde sapa bar ma, joq pa, sony tikeleı otyryp sóılesemiz, – dep Rýstam Maqsutovqa shaqyrtý joldady kesh uıymdastyrýshysy. Osyǵan oraı óner súıer qaýym qazaq mýzykasymen sýsyndap qaıtýy úshin bıletterge 50% jeńildik jasaıtynyn málimdedi. 

Dástúrli mýzykany zamanaýı baǵytta aıshyqtaıtyn teatrlandyrylǵan án keshi Alataý dástúrli óner teatrynda ótedi. Bıletterdi kino.kz saıtynan satyp ala alasyzdar!