27 Qarasha, 2023 Saıasat
Qazaqstanda úkimettik emes 23 myńnan astam uıym tirkelgen
Táýelsizdik jyldarynda Qazaqstandaǵy úkimettik emes uıymdardyń sany 100-den 23 myńǵa deıin artqan.
![](/media/2023/11/27/crop-6_2_668x1188_1200xauto_ezokfskgahnq5thxdwofrrawkrbaerqkrlex6vcb.png.webp?width=600&height=480)
ǵalamtor jelisinen alyndy
Elimizdegi azamattyq sektordyń belsendi damýy ÚEU jetekshileri men sarapshylarynyń júıeli jumys isteýine jasalǵan múmkindiktermen tikeleı baılanysty. Bul tusta 2020 jyly 27 tamyzda Memleket basshysynyń «Qazaqstan Respýblıkasyndaǵy azamattyq qoǵamdy damytý tujyrymdamasyn» bekitýi aıryqsha mańyzǵa ıe. Azamattyq sektordyń damý vektoryn aıqyndaǵan strategııalyq qujattyń arqasynda elimizdegi túrli salalarda ÚEU belsendi qurylýda. Úkimettik emes uıymdardyń negizgi maqsaty – áleýmettik mańyzdy maqsat-mindetterge qol jetkizý bolyp otyr.
Turaqty túrde jumys jasap turǵan ÚEU-nyń eń kóp sany Almaty– 5017, Astana – 3554, Shymkent – 1512 qalalarynda, Qaraǵandy – 1237, Qyzylorda – 1217 oblystarynda tirkelgen. ÚEU qyzmetiniń ashyqtyǵy men jobalary týraly aqparattyń qoljetimdiligin qamtamasyz etý úshin 2017 jyly Mınıstrlik «ÚEU derekqoryn» engizdi. Bul rette ÚEU sanynyń artýymen qatar sapa kórsetkishi de mańyzdy. 2023 jyldyń ózinde ÚEU sany ótken jyldarmen salystyrǵanda 8,6 paıyzǵa óskeni aıtyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir