• USD 468.56

  • EUR 497.56

  • RUB 7.3

  • CNY 67.18

24 Sáýir, 23:07:40
Almaty
+35°

Oralhan Bókeıdi eske almaý múmkin emes. Ádebıetimizge jan bitirip, kórkem shyǵarmalarymen kórik berip ketken tulǵa bul.

Oralhan Bókeı – kásibı redaktor jáne talantty jazýshy, sóz ónerimen óshpes iz qaldyrdy. Jarqyn avtorlyq stıli ony ádebıetimizdiń basty tulǵasyna aınaldyrdy.

Onyń shyǵarmalary ómirdi súıýge, tabıǵat jaratylysynyń ádemiligin kóre bilýge úıretedi.

Oralhan Bókeı jarqyn jazýshy. Shyǵarmashylyǵy men jazýy, tula boıy talanty tym erekshe.

Jazýshy týǵan ólkesiniń ǵalamat tabıǵatyn asqan sheberlikpen sýretteı júrip, qazaq prozasynyń órkendeýine esepsiz úles qosty. Oralhan balalyq shaǵynan estelikterinde aınalasynda únemi derlik júzderi jarqyn, jaıdary, adal da kórkem minezdi adamdardyń júrgenin jetkizedi. «Áıteýir, ne jazsam da zamanymdy, sol zamanda taban et, mańdaı terin jumsap júrgen qarapaıym eńbek adamdaryn tilge tıek etýge tyrystym» degen.

Bıyl muztaý muzbalaǵy Oralhan Bókeıdiń týǵanyna 80 jyldyń júzi boldy. Osyǵan oraı elimizde birshama is-sharalar qolǵa alyndy. Oralhan Bókeıdiń shyǵarmashylyǵyna arnalǵan kitap kórmesi ótti. Kórnekti jazýshynyń mereıtoıyna oraı Qasym-Jomart Toqaev resmı quttyqtaý hatyn joldaǵan.

«Oralhan Bókeı – ult rýhanııatynyń kókjıegin keńeıtýge zor úles qosqan birtýar tulǵa. Qarymdy qalamger ádebıet álemine alǵash qadam basqan sátten bastap shoqtyǵy bıik shyǵarmalarymen oqyrman qaýymnyń yqylasyna bólendi. Jazýshynyń jaýhar muralary kóptegen shet tiline aýdaryldy, pesalary elimizdiń irgeli óner ordalarynda qoıylyp, kórermen kózaıymyna aınaldy. «Altaıdyń kerbuǵysy» atanǵan erekshe daryn ıesiniń shyǵarmashylyq joly, azamattyq ustanymy jáne qaıratkerlik qasıeti-jastarǵa árdaıym úlgi-ónege. Onyń mol ádebı murasy áli talaı urpaqqa rýhanı azyq bola beretini sózsiz», delingen hatta.

Temirbek Júrgenov atyndaǵy Qazaq ulttyq óner akademııasy

«Kompıýterlik tehnologııalar» kafedrasy

Medıajýrnalıstıka mamandyǵynyń 1 kýrs stýdenti Anelıa Rýzıeva

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir