"Grammatıkasy qıyn boldy": 17 jastaǵy amerıkalyq qyz qazaq tilin qalaı úırendi?

17 jastaǵy amerıkalyq Kemeron Far qazaq tilin úırenip júr. Ol óziniń atyn qazaqshalap Aıbala Qudaıbergen dep ózgertken. Qazir áleýmettik jelide qazaq tilin úırenip júrgen aǵylshyn qyzy retinde tanymal. 

Aıbala Qudaıbergen qazaq tilinen bólek 17 tildi jaqsy meńgergen: nemisshe, ıspansha, kárisshe, qytaısha, fransýz, taı, arabsha jáne taǵy basqa. Ol qazaqsha sóıleı de, jaza da alady. 

Qamshy.kz aqparat agenttiginiń tilshisi Aıbalaǵa habarlasyp qazaq tilin úırenýge ne sebep bolǵanyn, qansha ýaqytta úırengenin surady. 

 

 

 

Posmotret etý pýblıkasııý v Instagram

 

 

 

Pýblıkasııa ot Cameron Farr (@kidpolyglot)

"14 jasymda bir kitap oqydym. Kitap Qyzylorda qalasynda týǵan asyrandy bala týraly edi. Kitapta qazaq mádenıeti men salt-dástúri týraly jazylǵan. Qazaqtyń salty men mádenıeti maǵan qatty qyzyq boldy. Amerıkalyqtar asyrap alǵan bala 18 jasqa tolǵanda ata-anasymen qaýyshý úshin Qyzylordaǵa kóshedi. Bul kitap emis-emis esimde. Qazaqstanǵa ári qazaq tiline degen qyzyǵýshylyǵymdy oıatqan osy kitap edi", deıdi Aıbala. 

Amerıkalyq qyzǵa Aıbala esimin óziniń dostary qoıǵan. Oǵan osy esimniń maǵynasy da qatty unapty: 

– Iá, alǵashynda dostarym osylaı ataı bastady. Al Qudaıbergen degendi ózim tańdadym. Sebebi Qazaqstandaǵy eń tanymal famılııanyń biri dep bilemin. О́zime atym men tegim qatty unaıdy. 

 

 

 

Posmotret etý pýblıkasııý v Instagram

 

 

 

Pýblıkasııa ot Cameron Farr (@kidpolyglot)

Aıbala Qudaıbergen qazaq tilin 2019 jyly úırene bastaǵan. Qazir ol óz deńgeıin 60-70 paıyzǵa baǵalaıdy. 

"Qazaq tilinde sóıleý qatty qıynǵa soqty. Sosyn grammatıka úırenýime de kóp ýaqytym ketti. Qazaq tilin óz betimmen úırendim desem bolady. Youtube-ten sózdikterdi qarap, dápterge kóshirip jazyp otyrdym. Úırengen sózderimdi kúnde qaıtalap, daýystap aıtyp júrdim. Sondaı-aq qazaq tilinde kóbirek sóıleý úshin áleýmettik jeliden dostar taptym. Birneshe muǵalimim de boldy. Dostarym da kómektesti", dedi amerıkalyq qyz. 

Ol Qazaqstanǵa saıahattaýdy josparlap júr. Bul saıahat arqyly elimizdiń mádenıetimen jaqynyraq tanysqysy keletinin aıtty. 

"Dál qazir Qazaqstanǵa barý úshin qarajatym jetpeıdi. Sol sebepti kúnde jumys istep, aqsha jınap júrmin. Mindetti túrde Qazaqstanǵa baramyn. Ásirese Almaty, Astana, Shymkent, Qyzylorda men Saryaǵashqa barǵym keledi. Saryaǵashta dostarym óte kóp", dep josparymen bólisti Aıbala. 

 

 

 

Posmotret etý pýblıkasııý v Instagram

 

 

 

Pýblıkasııa ot Cameron Farr (@kidpolyglot)

Aıbala qazaq tilin meńgerýge 3 jyl ýaqytyn arnaǵan. Áli de erkin sóılep, jaza alý úshin ary qaraı da bilim alatynyn jetkizdi. 

"Iá, til úırený úshin qajyrly qaırat pen jospar kerek. Eń bastysy – ynta men tártip. Eger bar kúshińizdi salsańyz kez kelgen tildi úırenip ketesiz. Árıne, biraz jyl ýaqytyńyzdy alýy da múmkin. Biraq bul soǵan tatıdy. Men qazir stýdentpin ári kassır bolyp júmys isteımin. 9 jasymnan til úırene bastadym. Eń basty qupııam – sabyrly bolý ári bar kúsh-jigerimdi salyp til úırený. Qalǵany – ońaı", dep keńesimen bólisti ol.