07 Qarasha, 2023 NEWS
![](/media/2023/11/07/crop-39_451_2296x4082_whatsapp-image-2023-11-07-at-11.39.52-1.jpeg?width=600&height=480)
Foto: Abaı oblysy ákimdigi
Kýrchatovta qala jurtshylyǵymen kezdesý ótip, onda Abaı oblysynyń ákimi saılaý nátıjesinde turǵyndar saılaǵan jańa ákimdi tanystyrdy.
Qazaqstan Respýblıkasynyń «Saılaý týraly» Zańyna sáıkes jáne Kýrchatov qalasynyń aýmaqtyq saılaý komıssııasy saılaýynyń qorytyndysy nátıjesinde qala ákimi bolyp Bolat Tańsyqbaıuly Ábdiralıev saılandy.
Eńbek jolyn mashınıst bolyp bastaǵan Bolat Ábdiralıev osy jyldar ishinde dıspetcher, seh bastyǵynyń orynbasary, birqatar kásiporyndardyń basshysy qyzmetin atqardy. Odan keıin «Nur Otan» partııasy ortalyq apparatynyń aktıvter bóliminiń meńgerýshisi, Abaı oblysynyń energetıka jáne turǵyn úı-kommýnaldyq sharýashylyq basqarmasyn basqardy.
«Bolat Tańsyqbaıuly qysqa merzimde qalanyń áleýmettik-ekonomıkalyq damýyna óz úlesin qosty. Kýrchatovtyń bolashaǵy zor. Onyń ǵylymı áleýetin Memleket basshysy laıyqty túrde atap ótti. Qalanyń damyp, azamattardyń turýyna qolaıly jaǵdaı jasaý úshin birlese jumys isteıtin bolamyz», - dedi óńir basshysy.
Kezdesýde aımaq basshysy Kýrchatov qalasynyń jańa ákiminiń jumysyna tabys tiledi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir