Prezıdentke esep: “Qazaqstansha jemqorlyq” trıllıondarmen ólshenedi

Memleket basshysy Cybaılas jemqorlyqqa qarsy is-qımyl agenttiginiń tóraǵasy Ashat Jumaǵalıdy qabyldady, dep habarlaıdy Qamshy.kz.
 
Prezıdentke Sybaılas jemqorlyqqa qarsy qyzmettiń bıylǵy 10 aıda atqarǵan jumysynyń nátıjeleri jóninde baıandaldy.

Ashat Jumaǵalı mynadaı derekterdi baıandap berdi:

• osy ýaqyt ishinde elimizde jemqorlyqqa qatysty 1500-ge jýyq qylmys tirkelip, 1100-den astam adamnyń isi áshkerelendi. Onyń 158-i – túrli deńgeıdegi basshylar;
• sotqa myńnan astam is joldanyp, 282 mıllıard teńge shyǵyn óteldi;
• 2022 jyldan beri bıýdjetke jáne kvazımemlekettik sektor sýbektilerine quny shamamen 857 mıllıard teńge bolatyn múlik aktıvteri men qarjy qaıtarylǵan;
• sybaılas jemqorlyq táýekelderi kartasyn júzege asyrý aıasynda tapsyrylý merzimi keshiktirilgen, qarjy jymqyrý qaýpi bar áleýmettik nysandar qurylysyna monıtorıng júrgizilip jatyr. Agenttik elimizdiń barlyq óńiri boıynsha jalpy bıýdjeti 2,44 trıllıon teńgeni quraıtyn osyndaı 156 nysan bar ekenin anyqtaǵan;
• azamattyq qoǵammen ózara tyǵyz qarym-qatynas ornatý arqyly «Sybaılas jemqorlyqqa qarsy volonterlik» jobasy iske asyrylýda. Qazirgi ýaqytta jemqorlyqtyń beleń alýyna beı-jaı qaramaıtyn 2 myńnan astam azamat bul bastamaǵa atsalysyp jatyr.

Kezdesý sońynda Cybaılas jemqorlyqqa qarsy is-qımyl agenttigine jemqorlyqqa qarsy qımyl men aldyn alý sharalaryn kúsheıtý jóninde tapsyrma berildi.