Qańtardy umytqan ba? Qazaqstanda taǵy avtogaz tapshy

Keshe ǵana Energetıka mınıstri Almasadam Sátqalıev «suıytylǵan munaı gazynyń baǵasy naryqqa saı emes» dep, júrgizýshilerge kólikterin gazǵa aýystyrmaýǵa keńes beripti.

– Qazaqstanda avtogaz baǵasy tym tómen, bulaı uzaq turmaıdy. Júrgizýshilerge kóligin gazǵa aýystyrmaýǵa keńes beremin. О́ıtkeni gaz baǵasy tek óse beretin bolady. Mınıstrlik baǵanyń kúrt ósýine jol bermeıdi. Biraq eger eksport tapshylyǵy týyndasa, onda avtogaz baǵasy eksporttyq baǵaǵa saı bolady, depti.

Mınıstr aıtyp bolmaı-aq eldegi gaz baǵasy kúrt kóterildi. Qazir janarmaı beketterinde uzyn-sonar kezek.

«Gazdyń ústinde otyryp, gaz tapshy degendi qalaı túsinýge bolady? Saılaý ótkizýge 20 mlrd aqsha tabady da, halyqty gazben qamtamasyz etýge kelgende defısıt, qarjy joq, degendeı neshe túrli syltaý aıta bastaıdy. Qyzylordada suıytylǵan gazdyń tapshylyǵy qatty sezilip jatyr. Gaz quıý beketterinde kólik kezegi kóp. Onda da talonmen beredi, nemese 1500-2000 teńge kóleminde lımıt qoıylǵan», degen shaǵymyn aıtty oqyrmanymyz Qanat Espaı. 

100 jylǵa jetetin qory bar elde gaz tapshy! 

Mınıstrdiń munysy – gaz tapshy bolsa benzınmen júr, sý tapshy bolsa sý ishpeńder, degenniń keri. Bılik gaz baǵasynyń ósýi qaraly qańtarǵa alyp kelgenin umytqan eken.

– Qazir kópshilikten gaz tapshylyǵyna qatysty shaǵymdardy jıi estımin. Ásirese, Astana qalasy boıynsha gaz joq deıtinder kóp. Bul másele bizdi de alańdatýda. Elde gaz tapshy ekenin energetıka mınıstri moıyndap otyr. Qazan aıynda 124 myń tonna suıytylǵan gaz tutyný kerek bolsaq, onyń normasy 144 myń tonnaǵa jetipti. Mine, osynyń saldarynan jetispeýshilik baıqalady-mys. Mınıstr bolsa, gaz tapshylyǵy bolmas úshin gazben júretin kólikpen júrmeńder deıdi. Úkimet basyndaǵylar «Qańtar oqıǵasy» osy gaz baǵasynyń kóterilýinen bastalǵanyn umytyp bara jatqandaı. Qymbatshylyqqa jol berýge bolmaıdy, – deıdi depýtat Dáýlet Muqaev.

Qazaqgaz ulttyq kompanııasynyń tóraǵasy Sanjar Jarkeshov gaz tapshylyǵyn máselesin sheshý úshin tutyný kólemin azaıtý kerek deıdi. Iаǵnı, onyń pikirinshe, halyq ysyrapshyldyqqa jol berip jatyr.

El óńirlerinde avtogazdyń qanshalyqty qymbattaǵany tirkeldi desek,

• Astanada lıtrine 70 teńgeden 76 teńgege,
• Almatyda 75 teńgeden 81 teńgege,
• Shymkentte 60 teńgeden 64 teńgege,
• Shyǵys Qazaqstan oblysynda 70-75 teńgeden 76-81 teńgege
• Atyraý oblysynda 50-55 teńgeden 54-59 teńgege,
• Almaty oblysynda 75-80 teńgeden 81-86 teńgege,
• Soltústik Qazaqstan oblysynda 75-80 teńgeden 81-86 teńgege,
• Mańǵystaý oblysynda 50-55 teńgeden 54-59 teńgege deıin qymbattady. 

Bılik tarapynan gaz tapshylyǵy máselesi sheshilmese, halyqtyń ashynyp taǵy bir ret kóshege shyǵýy ǵajap emes.