Kókshetaýda úsh belsendi 15 táýlikke qamaldy

Aqmola oblysyndaǵy Kókshetaý qalasynda belsendiler Baýyrjan Baltashev, Qýat Muhamedjanov jáne Ýálıhan Nyǵmetovter ákimshilik jazamen 15 táýlikke qamaldy.

Sot olardy zańsyz jıynǵa qatysyp, bir jylda ekinshi márte ákimshilik tártipti buzdy dep tanydy.

Sot sheshiminde Nyǵmetov pen Muhamedjanov "Aqmola oblysynyń Kókshetaý qalasyndaǵy ádilet departamenti ǵımaratynda" beıbit jıynǵa qatysqany jazylǵan. Bul jıynǵa jergilikti aqtarýshy bılik ruqsat bermegen. Osy jıynǵa qatysqany úshin Baltashevqa da ákimshilik jaza belgilengen, biraq ol ádilet departamenti ǵımaraty "mańyndaǵy" jıynǵa qatysqan.

Úsheýi de ákimshilik tártip buzylǵany týraly hattamamen kelispedi.

Bunyń aldynda "BelsendilerEkstremıstEmes" quqyq qorǵaýshylar tobynyń telegram-arnasynda Nyǵmetov, Muhamedjanov jáne Baltashevterdiń soty ótetini habarlanǵan. Olar bıyl aqpanda oppozısııalyq "Alǵa, Qazaqstan!" partııasyn qurý jónindegi bastamashyl top músheleri jınaǵan qoldy rastaý úshin ádilet departamentine barǵan.

2022 jylǵy mamyrdan beri belsendilerdiń partııany tirkeý ótinishi 20 márte qabyldanbady. Bılik partııany tirkeý ótinishi "talapqa saı emes" dep, oppozısııalyq partııany tirkemeı otyr.