Reseı bıligi ınternetti buǵattap, bárin shekteýge kiristi

Reseı úkimeti YouTube, WhatsApp, Telegram túgili, kez-kelgen servıs pen saıttardy jaýyp tastaýǵa múmkindik beretin jabdyqtardy jappaı satyp alyp jatyr.

The Insider basylymy Reseı bıliginiń Qytaıdyń Huawei korporasııasymen tıisti kelisim jasasyp, IP-adres pen protokoldar boıynsha saıttardy buǵattaý men tejeýge qajetti jabdyqtardy satyp alyp, engizip jatqanyn rastaıtyn qujattardy tapqanyn málim etti.

Kreml 2023 jyldyń sońyna deıin ınternetti buǵattaý júıelerin jetildirý maqsatyna 16,5 mlrd rýbl jumsaýdy josparlap otyr.

2022 jyly Reseı Huawei-diń ártúrli 965 serverin satyp alǵan. 2023 jyly 1206 server, 2024 jyly 1198 server satyp almaq.

Sońǵy 12 aıda Reseıge Huawei kompanııasynyń 18 mln dollarǵa baǵalanǵan ónimderi kirgizilgen.