Abaı oblysynda Respýblıka kúnine oraı «Jańa Qazaqstan. Taza tabıǵat» aqsııasy ótti

 Respýblıka kúnine oraı Abaı jáne Jetisý oblystary Assambleıasynyń jastary Semeı qalasynda aǵash kóshetterin otyrǵyzdy.

 Joba aıasynda eki oblystyń Dostyq úıiniń qyzmetkerlerimen birlesip «Assambleıa jastary» Beıbitshilik aralynda 200 qaraǵaı jáne basqa da aǵashtar otyrǵyzdy.

 Jastardyń basty maqsaty - qazaqstandyq patrıotızmdi, ulttyq – memlekettik sezimdi biregeılik pen ulttyq birlikti nyǵaıtý, sondaı-aq aǵash otyrǵyzý arqyly qorshaǵan ortany kórkeıtý.

 Aǵash kóshetterin otyrǵyzý arqyly Memleket basshysynyń elimizdi jasyl etý jónindegi tapsyrmasyn oryndaý. Jetisý jastary jańadan qurylǵan Abaı oblysynyń damyp, Semeı ekologııalyq taza qala bolýy úshin aǵash kóshetterin otyrǵyzdyq. Biz jastar arasynda qoǵamdyq kelisimdi nyǵaıtamyz, elimizdi ádemi ári taza etemiz, - deıdi Jetisý oblysyndaǵy
«Qoǵamdyq kelisim» KMM dırektory Rýfııa Qasymqyzy.

Abaı oblysy qoǵamdyq damý basqarmasynyń bólim basshysy Oljas Soǵymbaı Jetisý oblysynyń qonaqtaryna shaǵyn estelik syılyq syılap, osyndaı jobalardyń mańyzdylyǵyn atap ótti.

Bizdiń oblystarymyz jańa jáne osyndaı birlesken jobalarmen eki oblys arasyndaǵy qarym-qatynas odan ary jalǵasa bersin, - dep atap ótti bólim basshysy.

Esterińizge sala keteıik, el prezıdenti Qasym-Jomart Toqaev 2020 jylǵy Qazaqstan halqyna Joldaýynda eldi kógaldandyrýǵa erekshe nazar aýdaryp, orman qorlarynda 2 mlrd aǵash jáne eldi mekenderde 15 mln aǵash otyrǵyzýdy tapsyrǵan bolatyn.