Qonaev qalasynyń ákimi aýyl mektebindegi ashana jumysyn tekserdi

Qonaev qalasynyń ákimi Nurlan Qumataev Sheńgeldi aýyldyq okrýgi Kerbulaq aýylyndaǵy mektep ashanasynyń jumysyn tekserdi. Shahar basshysy, ásirese, bastaýysh synyp oqýshylarynyń tamaq mázirin qarap shyqty.

«Bastaýysh synyptar ystyq tamaqpen qamtylǵan. Balalardyń sapaly taǵamdardy paıdalanǵany durys. Siz jas dırektor retinde oqý prosesinen bólek, osy máseleni únemi nazarda ustaýyńyz qajet», - dedi ákim.

Mektep dırektorynyń aıtýynsha, 1-4-synyptarda 172 bala bilim alady. Olardyń barlyǵyna ystyq tamaq beriledi.

Ashana jumysynan basqa, Nurlan Qumataev mekteptiń jylytý maýsymyna daıyndyǵyn, qaýipsizdik júıesiniń jumysyn (beınebaqylaý kameralary men arnaıy qondyrǵylar), ishki dárethanalardyń talapqa sáıkestigin tekserdi.

«Kelesi aptadan jylytý maýsymy bastalady. Mamandar qysqa daıynbyz dep málimet berdi. Barlyq mektepter jyly, balalardyń oqýyna yńǵaıly bolýy qajet. Men bul suraqty baqylaýda ustaıtyn bolamyn», - dedi Nurlan Qumataev.

Qoryta kele, qala ákimi basqa da mektepterdi aralap shyǵatynyn atap ótti.