![](/media/2023/10/10/crop-7_72_444x789_f552705c81c0a94388a6047d16f0e43f_1666457744.jpg?width=600&height=480)
Foto: Ashyq derekkóz
Ortalyq saılaý komıssııasy pılottyq negizde ótetin aýdandar men oblystyq mańyzy bar qalalardyń ákimderin saılaýǵa daıyndyq jumystarynyń qorytyndysyn shyǵardy.
Otyrysta Ortalyq saılaý komıssııasynyń tóraǵasy Nurlan Ábdirov saılaý ótetin óńirlerdi aralaý bastalǵanyn málim etti.
«5 qarashaǵa taǵaıyndalǵan pılottyq aýdandar men oblystyq mańyzy bar qalalardyń ákimderi saılaýyn daıyndaý jáne ótkizý sheńberinde ınpeksııalyq saparmen aýmaqtyq saılaý komıssııalaryna ádástemelik-praktıkalyq kómek kórsetý úshin Ortalyq saılaý komıssııasynyń músheleri barlyq 17 óńirdi aralaýdy bastady. Máselen, biz búgingi tańda 9 óńirge baryp, olardaǵy 24 pılottyq aýdan men oblystyq mańyzy bar qalany aralap, saılaýdy ótkizý barysymen tanystyq. Bizdiń jumys saparlarymyz jalaǵasatyn bolady», - dep baıandady OSK tóraǵasy Nurlan Ábdirov.
Ol atap ótkendeı, pılottyq óńirlerde kandıdattardy tirkeý 16 qyrkúıekte bastalyp, 5 qazanǵa deıin jalǵasty.
Sondaı-aq, jumystardyń qorytyndysyn jarııalaǵan Ortalyq saılaý komıssııasy tóraǵasynyń orynbasary Kostantın Petrov barlyq óńir boıynsha 249 úmitker tirkelgenin aıtty.
«Bizdiń aqparatqa saı, 45 ákim laýazymyna 249 kandıdat tirkeldi. Bir orynǵa orta eseppen 5 úmitkerden keledi. Degenmen óńirlerge baılanysty básekelestik ártúrli. Atap aıtqanda, bir orynǵa 9 kandıdat úmitker bolyp otyrǵan aımaqtar bar. Kýrchatov qalasy, Jambyl oblysyna qarasty Jýaly aýdany, Jetisý oblysynyń Kerbulaq aýdanynda, Túrkistan oblysyndaǵy Báıdibek aýdanynda bir orynǵa úmitker bolyp otyrǵandar kóp. Eń azy – Aqmola oblysynyń Jaqsy aýdany, Atyraý oblysyna qarasty Isataı aýdany, Qostanaı oblysynyń Altynsarın, Qarabalyq jáne Denısov aýdandarynda», - dep málim etti Konstantın Petrov.
Onyń dereginshe, tirkelgenderdiń 63 paıyzdan astamy ózin-ózi usynǵandar bolsa, qalǵan 36 paıyzdan kóbi saıası partııalardyń atynan saılaýǵa túsip jatyr.
«Úmitkerlerdiń ortasha jasy – 47. Eń úlkeni 1961 jyly týǵan, kishisi 1993 jyly dúnıege kelgen. Kandıdattardyń basym bóligi erler. Sonymen birge 13 áıel adam bar», - dedi Konstantın Petrov.
Usynylǵan úmitkerlerdiń 63 paıyzy memlekettik qyzmetshiler, 6 paıyzdan astamy ýaqytsha jumys istemeıtinder. Qalǵandary túrli salalarda eńbek etip júrgen azamattar.
Nurlan Ábdirov Atyraý oblysynda aýdan ákimderiniń saılaýǵa daıyndyq barysyn pysyqtaǵanyn jazdyq.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir