Sırııada soǵysqan Ulytaý turǵyny 6 jylǵa sottaldy

Ulttyq qaýipsizdik komıteti Sırııada DAISh (Qazaqstanda tyıym salynǵan uıym) quramynda bolǵan Qazaqstan azamatyn ustady, - dep habarlaıdy  Ulttyq qaýipsizdik komıtetiniń baspasóz qyzmeti.

Ulttyq qaýipsizdik komıteti Ulytaý óńiri turǵyndarynyń birine qatysty terrorızmdi nasıhattap, dinı alaýyzdyqty qozdyrý men lańkestik toptyń áreketine qatysý deregi boıynsha qylmystyq isti tergeýdi aıaqtady.

"Ulytaý oblysy Sátbaev aýdandyq soty ony osy qylmystardy jasaǵany úshin kináli dep tanyp, 6 jylǵa bas bostandyǵynan aıyrdy. Sottalýshy 2016 jyly otbasymen birge Sırııaǵa baryp, onda DAISh (Qazaqstanda tyıym salynǵan) quramynda bolǵanyn tergeý anyqtady. Qabyldanǵan sharalardyń nátıjesinde sodyrdyń shetelde júrgen jeri anyqtalyp, sodan soń sheteldik seriktesterdiń kómegimen ony ustaýǵa jáne 2023 jyldyń maýsym aıynda UQK jasaǵymen Qazaqstanǵa jetkizilýine múmkindik týdy", - delingen habarlamada.