Antıkor Erlan Turǵynbaevtan marapat alǵan polıseıdi ustady

Astana qalasy boıynsha Sybaılas jemqorlyqqa qarsy qyzmet Astana qalasy Polısııa departamentiniń jol-patrýldik qyzmeti rotasynyń komandıri Almaz Qultanov qatysty sotqa deıingi tergeý júrgizýde. Ol para berýge járdem etti degen kúdikke ilingen. 

“Laýazymdy adam azamattyq is boıynsha oń sheshim qabyldaǵany úshin prokýratýra janyndaǵy Materıaldyq-tehnıkalyq qamtamasyz etý basqarmasynyń burynǵy qyzmetkeri «J» azamaty arqyly sot júıesiniń qyzmetkerlerine iri mólsherde para berýge járdemdesti dep kúdiktenedi.«J» azamaty prokýratýrada ákimshilik laýazymdy atqara otyryp, jedel qyzmetker bolmaǵan. Qylmys jasaý kezinde jumyssyz bolǵan”, – delingen vedomstvo habarlamasynda.

8 maýsymda tergeý sotynyń sanksııasymen atalǵan adamdar qamaýǵa alyndy. Sotqa deıingi tergep-tekserý jalǵasýda.

Budan buryn Astana soty Qultanovtyń 2 aıǵa qamalǵanyn habarlaǵan.

Aıta keteıik, Almaz Qultanov 2021 jyly aıaǵy aýyr kelinshekti qutqarǵany úshin sol kezdegi IIM basshysy Erlan Turǵymbaevtyń qolynan marapat alǵan.