Foto: Ashyq derekkóz
Jemqorlyqqa qarsy is-qımyl agenttigi "Qaırat Satybaldy túrmede jatyp qymbat qonaq úı satyp aldy" degen aqparatqa qatysty pikir bildirdi. Antıkor atalǵan aqparatty joqqa shyǵaryp, Qaırat Satybaldynyń salyqtan jaltarý jáne qylmystyq jolmen alynǵan kiristi zańdastyrýmen baılanysty tergeý jumystarynyń jalǵasyp jatqanyn habarlady.
Sondaı-aq Antıkordyń málimdeýinshe, Qaırat Satybaldynyń zańsyz shyǵarylǵan aktıvteri men múlikterin memleketke qaıtarýǵa qatysty tıisti sharalar júrgizilip jatyr.
"Osyǵan baılanysty Q.Satybaldyuly zalaldy óteý maqsatynda bıznes ortalyqtar, ákimshilik ǵımarattar, kommersııalyq úı-jaılar, úıler, páterler, aıaqtalmaǵan qurylys obektileri, jer ýchaskeleri, eksklıýzıvti zergerlik buıymdar, lıýks avtomashınalar men aqshalaı qarajat memleketke beriledi. Olardyń qatarynda 2021 jyldyń qarasha aıynda Satybaldyulymen baılanysty kásiporyn satyp alǵan "Double Tree by Hilton Almaty" qonaq úıi de bar", delingen Antıkor málimdemesinde.
Eske sala ketsek, buǵan deıin depýtat Maqsat Tolyqbaı Almaty qalasynyń ortalyǵyndaǵy Double Tree by Hilton Almaty qonaq úıin satyp alǵanyn aıtqan edi.
"Qaırat Satybaldy Almaty ortalyǵyndaǵy Double Tree by Hilton Almatý besjuldyzdy qonaq úıin 6 mıllıard teńgege satyp alǵan. Biraq ol kelisimshart jasalǵan ýaqytta túrmede otyrǵandaqtan, satyp alǵan kúnniń ózinde de, bul áreket zańsyz bolyp tabylady", – degen Maqsat Tolyqbaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir