Qasym-Jomart Toqaev Almatyda UǴA prezıdentimen kezdesti

2023 jylǵy 31 mamyrda Almatyda jumys saparymen júrgen Memleket Basshysy Qasym-Jomart Toqaev Qazaqstannyń Ulttyq Ǵylym akademııasynyń (UǴA) prezıdenti Kúnsulý Zakarııany qabyldady. Ol bul qyzmetke 12 sáýirde Prezıdent bolyp taǵaıyndaldy. 

Aqordanyń baspasóz qyzmetiniń habarlaýynsha, Prezıdentke Ulttyq Ǵylym akademııasynyń qyzmeti jáne aldaǵy kezeńge arnalǵan josparlar týraly aqparat berildi. Áńgime barysynda ǵylymı salanyń ózekti máseleleri de qarastyryldy.

"Akademııa óziniń jańa mártebesinde otandyq ǵylymdy damytýda sheshýshi ról atqarýy tıis", – dep atap ótti Qasym-Jomart Toqaev.

Memleket basshysynyń aıtýynsha, memlekettiń ǵylymı-tehnologııalyq jáne ekonomıkalyq saıasatynyń ózara baılanysyn nyǵaıtýǵa basa nazar aýdara otyryp, ǵylymdy damytýdyń jańa tásilderin qoldaný qajet.

Prezıdent memleket otandyq ǵylymdy damytý úshin qajetti jaǵdaılar jasap jatqanyn atap ótti. QR Prezıdenti janyndaǵy Ǵylym jáne tehnologııalar jónindegi Ulttyq keńes jumys isteıdi, onyń ishinde zertteýlerdi qarjylandyrý kólemi aıtarlyqtaı ósti jáne tetikteri jaqsardy. Osy turǵyda Memleket basshysy qarjylandyrylatyn ǵylymı jobalar men zertteýlerdiń ózektiligi men qajettiligin, sondaı-aq olardyń ekonomıkanyń naqty sektorlarynda praktıkalyq qoldanylýyn atap ótti.

Sonymen qatar, Qasym-Jomart Toqaev QR UǴA Prezıdentiniń aldyna talantty jas ǵalymdardy ǵylymı ortaǵa keńinen tartý boıynsha birqatar naqty mindetter qoıdy.

Buǵan deıin Qasym-Jomart Toqaevtyń Almatyǵa jumys saparymen kelgeni habarlanǵan bolatyn. Memleket Basshysy HH ǵasyrdaǵy saıası qýǵyn-súrgin materıaldaryn zertteý jónindegi ortalyqtyń jumysymen tanysty, sondaı-aq Jazýshylar odaǵynyń tóraǵasy Mereke Qulkenovpen kezdesti.