• USD 468.56

  • EUR 497.56

  • RUB 7.3

  • CNY 67.18

21 Aqpan, 15:23:04
Almaty
+35°

Astana soty Qańtar oqıǵasy kezinde Qazaqstan bıliginiń ózi týraly taratqan aqparatyn shyndyqqa sáıkes kelmeıdi dep tanyp, keshirim suraýdy talap etken qyrǵyz mýzykanty Vıkram Rýzahýnovtyń shaǵymyn qanaǵattandyrmady. Bul týraly Vıkram Rýzahýnov óziniń áleýmettik jelidegi paraqshasynda habarlady. 

Atalǵan iske qatysty alǵashqy sot otyrysy 19 mamyrda ótken. Mýzykant sottan 2022 jyly Qańtar oqıǵasy kezinde Almatyda ol boıynsha taratylǵan aqparatty shyndyqqa sáıkes kelmeıdi dep tanyp, resmı túrde keshirim suraýdy talap etken.

Eske alsaq, 9 qańtarda "Qazaqstan" jáne "Habar 24" arnalary "Qazaqstandaǵy mıtıngke qatysqany úshin Qyrǵyzstan azamaty aqsha alǵan" degen sıýjet kórsetken. Vıdeoda beti-aýzy kógergen azamat 1 qańtarda beıtanys adamdar telefon arqyly habarlasyp, mıtıngige qatysý úshin 90 myń teńge usynǵanyn, bılet ápergenin, Qazaqstanda páterge ornalastyrǵanyn aıtady. 

Kóp uzamaı qyrǵyzstandyq basylymdar vıdeodaǵy adam Qyrǵyzstanda belgili djaz mýzykanty Vıkram Rýzahýnov ekenin, Qazaqstanǵa konsertke kelgenin jarysa jazdy. 

Uzamaı Rýzahýnov bosatylyp, 10 aqpan kúni áleýmettik jelidegi paraqshasynda Qazaqstannyń tergeý ızolıatorynda azaptalǵanyn moıyndap, málimdeme jasady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir