Fransııada Áblıazevtiń isi qaıta qozǵaldy

Fransııa apellıasııalyq sotynyń qazaqstandyq bankır Muhtar Áblıazovqa qatysty sot talqylaýyn toqtatý týraly sheshimin eldiń Kassasııalyq soty jaramsyz dep tanydy. Áblıazovqa aqsha jymqyrdy degen aıyp qaıta taǵyldy, dep habarlady mediapart aqparattyq portaly.

Kassasııalyq sot Parıj apellıasııalyq sotynyń tergeý palatasy 2022 jyldyń 13 qańtarynda qabyldaǵan sheshimniń barlyq tarmaqtary joıylǵanyn jáne isti qaıta qaraýdy talap etetindigin atap ótti.

Eske sala keteıik, Qazaqstanda Muhtar Áblıazov BTA bankinen 7,5 mlrd dollar qarjy urlap, qylmystyq qoǵamdastyq qurǵany úshin kináli dep tanylǵan bolatyn.

Sonymen qatar, ol elimizde ekstremıstik uıym dep tanylǵan  "Qazaqstannyń demokratııalyq tańdaýy" tirkelmegen qozǵalysynyń kóshbasshysy.

Buǵan deıin bas prokýrordyń orynbasary Áset Shyndalıev Muhtar Áblıazovty nege ekstradısııalaı almaıtynyn aıtqan bolatyn. Onyń aıtýynsha, ekstradısııalaý úshin Fransııamen tıisti shart bolmaǵan.