Ádilet vıse-mınıstri partııalardy tirkegen kezde "saıası ustanymdaryna qaramaıtynyn" aıtty

Ádilet mınıstriniń orynbasary Alma Muqanova partııalardy tirkeýden ótkizgen kezde saıası kózqarastaryna nazar aýdarylmaıtynyn aıtty. Jýrnalıster mınıstr orynbasarynan "Alǵa Qazaqstan" partııasynyń 14 ret tirkeýge ótinish bergenin, alaıda ótinishteri keri qaıtarylǵanyn aıtyp suraq qoıǵan. 

– Bizde partııalarǵa qoıylatyn talaptar bar. Olar "saıası partııalar týraly zańǵa" sáıkes bolýy kerek. Talaptardyń biri – ol uıym basqa memleketten qarjy almaýǵa tıis. Áskerge qatysy bolmaýǵa tıis. Al saıası kózqarastary boıynsha degen joq, – dep jaýap berdi vıse-mınıstr Azattyq tilshileriniń suraǵyna.

Vıse-mınıstr partııanyń qujattaryn teksergen kezde memlekettik organdar men bazadaǵy aqparatqa súıenetinin aıtyp, "partııalardy tirkemeýdiń saıası sebebi bar" degen oppozısııa belsendileriniń sózin joqqa shyǵarýǵa tyrysty.