• USD 468.56

  • EUR 497.56

  • RUB 7.3

  • CNY 67.18

07 Maýsym, 02:26:47
Almaty
+22°

Bıyl Qytaılyq ınvestorlar Qazaqstanda alty jobany iske asyrýdy josparlap otyr. Qazirgi ýaqytta quny 2,3 mıllıard dollar bolatyn toǵyz joba júzege asyrylyp jatyr.

Bıyl alty nysan iske qosylýy múmkin. Bul jobalardyń jalpy quny 362,5 mıllıon dollardy quraıdy. Qalǵan úsh nysandy qashan ashylatyny belgisiz. Sondaı–aq, departament taǵy 18 usynys ázirlep jatqanyn aıtty.

"Qazaqstan–Qytaı ónerkásiptik–ınvestısııalyq jobalarynyń tizimine jalpy quny 21 mıllıard dollardan asatyn 52 joba kiredi", – dedi SIM.

Elimizdiń 11 óńirinde Qytaı kompanııalarynyń ınvestısııa salýymen jańa nysandar iske qosylady. Olar:

♦Aqmola oblysynda 2024 jyly tórt energetıkalyq joba jumysyn bastaıdy. Jobanyń jalpy quny 52,3 mlrd teńgeni quraıdy. Oblysta qýattylyǵy 100 MVt, 50 MVt, 39 MVt jáne 17 MVt bolatyn JES iske qosylady.

♦Aqtóbe oblysynda 4,9 mlrd teńgege burǵylaý qondyrǵylary óndirisi qolǵa alynady. О́ndiristi iske qosý bıylǵa josparlanǵan. Qytaılyq ınvestorlar Almaty oblysyndaǵy volfram ken oryndaryn da ıgergisi keledi. Sondaı–aq, joba aıasynda taý–ken baıytý kombınatyn salý josparlanýda. Nysan 2024 jyly paıdalanýǵa beriledi. Jobanyń jalpy quny 122,4 mlrd teńgeni quraıdy.

♦Shymkentte Qytaılyq ınvestorlar 2024 jyly 25 mıllıard teńgege metall synyqtaryn óńdeıtin zaýytty iske qosýǵa kómektesedi. Al 2025 jyly megapolıste kópsalaly aýrýhana men klınıkalyq dıagnostıkalyq ortalyq salynyp, paıdalanýǵa beriledi. Joba quny–142,8 mlrd teńge.

♦Jambyl oblysynda bıylǵy jyldyń sońyna deıin 49,4 mlrd teńgege jel JES salynady. Sondaı–aq, qytaılyqtar óńirde myrysh–qorǵasyn qaldyqtaryn óńdeıtin kásiporyn ashýǵa nıet bildirip otyr. Joba quny–10 mıllıard teńge.

♦Jetisý óńirinde 330 mıllıard teńgege ındýstrııaldy park iske qosylady. Al 2024 jyly keramıkalyq plıtalar jasaıtyn zaýyt salynbaqshy. Bul jobaǵa 2,1 mlrd teńge ınvestısııa quıylǵan.

♦Qaraǵandy oblysynda jyl sońyna deıin jarylǵysh zattar óndirisi jumysyn bastaıdy. Qytaı ınvestısııasy tartylǵan nysan 9 mlrd teńgege baǵalanyp otyr. Sonymen qatar, oblysta keler jyly 3 mlrd teńgege júk kólikterin shyǵarý da qolǵa alynbaq.

♦Qyzylorda oblysynda qytaılyq ınvestorlardyń qarjylandyrýymen tórt joba iske asýy múmkin. 2024 jyly natrıı gıdrokarbonatyn óndirý bastalady. Bul óndiristi iske qosý 145 mlrd teńgege baǵalanyp otyr. Al 2026 jyly 64 mlrd teńgege smartfondar men planshetterge arnalǵan ýltra juqa shyny óndirisi jolǵa qoıylmaq. Dál sol jyly 15 mlrd teńgege tıtan óndiretin taý–ken baıytý kombınatyn iske qosý da josparlanyp jatyr. Odan keıin sút ónimderiniń óndirisi jumysyn bastaýy múmkin. Joba quny–2,5 mlrd teńge.

♦Mańǵystaý oblysynda bıylǵy jyldyń sońyna deıin quny 30 mıllıard bolatyn sý tushytý zaýyty iske qosylady. Al Aqtaýda Eýrazııaǵa taýar tasý tizbeginiń bazasy paıda bolýy múmkin. Bul joba 8,4 mlrd teńgege baǵalanyp otyr.

♦Túrkistan oblysynda 2024 jyly 157,5 mıllıard teńgege ınnovasııalyq keshen paıdalanýǵa berilmek.

♦Ulytaý óńirinde 66,5 mlrd teńgege elektrolıttik marganes óndirisi qolǵa alynady. Bul joba 2026 jyly iske qosylady.

 

Derekkóz: lsm.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir