Foto: Ashyq derekkóz
Jambyl oblysynyń turǵyny Vasılıı Koveshnıkov ózin depýtat Jıgýlı Daırabaevtyń uldary quldyqta ustaǵanyn aıtty. Ol birneshe ret qashyp ketpek bolǵan. Biraq áreketi sátsiz aıaqtalyp, Marat Daırabaev ony soqqyǵa jyqqan.
"Qulpynaı alqabyn qaradym, qysta Dıdardyń malyn baqtym. Bir tıyn da kórmedim. ÝAZda turdym, tez pisetin kespe jedim. Marat meni eki ret urdy. Sodan bir aı boıy tura almaı qaldym. Bir kúni qashyp shyǵyp, Merkege tańǵy úshte jaıaý jettim", — deıdi Vasılıı Koveshnıkov.
Bul týraly Jıgýlı Daırabaev Koveshnıkovty tanymaıtynyn aıtyp pikir bildirgen. Alaıda ulynyń qol astynda bir jarym jyldaı jumysshy bolǵanyn rastady, dep habarlady KazTAG agenttigi.
"Eshqandaı quldyq týraly áńgime bolýy múmkin emes, ol óz erkimen bolǵan jáne kez kelgen ýaqytta jumystan kete alatyn. Qujattary da ózinde boldy", — dedi depýtat.
Daırabaevtyń aıtýynsha, oǵan qarsy aqparattyq shabýyl uıymdastyrylǵan. Bul jańalyq ta solardyń bireýi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir