• USD 468.56

  • EUR 497.56

  • RUB 7.3

  • CNY 67.18

22 Mamyr, 06:46:22
Almaty
+35°

Almaty qalasynyń ákimdigi Tımırııazev kóshesindegi BRT jolaqtarynyń esh ózgerissiz qalatynyn málimdedi. Buǵan deıin Qamshy.kz aqparat agenttigi Almatydaǵy Tımırııazev kóshesindegi kepteliske qatysty arnaıy reportaj daıyndap, qala ákimine hat joldady. 

Qala ákiminiń resmı jaýaby boıynsha aldaǵy ýaqytta BRT jolaqtaryn joldyń shetine aýystyrý josparda joq. 

"BRT jolaqtarynyń joldyń ortasynda (joldyń júris bóliginiń ishki jolaǵy) ornalasýy jol qozǵalysyna qatysýshylardyń kólik keptelisi, rettelmeıtin turaqtar jáne taksılerdiń kóshe boıynda toqtaý jáne t.b. saldarynan týyndaǵan jaǵdaılardyń qoǵamdyq kólikke áserin azaıtý úshin qajetti sheshim bolyp sanalady. BRT jolaqtarynyń joldyń shetki jaǵynda (joldyń júris bóliginiń shetki oń jaq jolaǵy) ornalasýy rettelmegen avtoturaqtar tolyǵymen joıylǵan jol ýchaskelerinde qarastyrylǵan. Sonymen qatar, avtomatty qozǵalysty basqarý júıesin ornatý arqyly BRT jelisindegi qoǵamdyq kólikterge kóptegen qıylystarda basymdyq beriledi", delingen hatta. 

Sondaı-aq qala ákimdigi BRT jelisiniń dálizin Tımırıazev kóshesine ornalastyrýdyń birneshe sebebine toqtalyp ótti. 

  • Tımırıazev kóshesinde qoǵamdyq kólikti paıdalanatyn jolaýshylar kóleminiń úlkendigine baılanysty;
  • Tımırıazev kóshesin Jasyl dálizge aınaldyrý áleýeti, bul qoǵamdyq kólikterden basqa jaıaý jáne velosıped júrginshilerge oń áserin beredi; 
  • Tımırıazev kóshesi arqyly ótetin tranzıttik qozǵalysty parallel jatqan kóshelerige kóshirý (Jandosov kóshesi, Ál-Farabı dańǵyly);

Eske salsaq, Qamshy.kz aqparat agenttigi "Tıtyqtatqan Tımırıazev. Júrgizýshiler jyryn Dosaev tyńdaı ma?" atty arnaıy reportajynda kóshe boıyndaǵy uzyn-sonar keptelisti kórsetip, kólik júrgizýshilerdiń pikirin bilgen edi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir