TARIHI TULǴALARDYŃ TARIHTAǴY ORNY

«Tarıh ǵylymy jáne tarıhı tulǵalar: jahandaný tendensııalary» atty halyqaralyq ǵylymı-tájirıbelik konferensııa ótti. Konferensııa plenarlyq májilisten keıin úsh seksııada óz jumysyn jalǵastyrdy:1 seksııa «Otandyq tarıh ǵylymynyń damý tendensııasy» moderator: Begalıeva A.K. 2 seksııa « Tarıhı tulǵalardyń jahandaný konteksindegi róli », 3-seksııa  « Tarıh jáne gýmanıtarlyq ǵylymdar sabaqtastyǵy jahandaný talaptary aıasynda» moderator:Sandyqbaeva О́.D. Konferensııanyń maqsaty -  álemniń turaqty damý tujyrymdamasy aıasyndaǵy otandyq tarıh ǵylymynyń ornyn anyqtaý (tolyǵyraq: https://www.kaznu.kz saıtynan bilesizder).

Konferensııaǵa Qyrǵyzstan, О́zbekstan,Reseı, Monǵolııa ǵalymdary men baspagerler, Almaty, Qaraǵandy,Astana,Shymkent t.b. ýnıversıtetteriniń professor oqytýshy quramy, Sh. Ýálıhanov atyndaǵy Tarıh jáne etnologııa ınstıtýtynyń ǵalymdary qatysty.

Konferensııada sóz sóılegen baıandamashylar tarıh ǵylymynyń ózekti máselelerin, tarıhı tulǵalardyń orny týraly oılaryn ortaǵa saldy.

I.Arabaev atyndaǵy Qyrǵyz memlekettik ýnıversıteti «Arabaevtaný» ortalyǵynyń dırektory, tarıh ǵylymdarynyń kandıdaty J.R. Baıdıldeev «Qyrǵyz-qazaq ıntellıgensııalarynyń baılanystary», M.Ulyqbek atyndaǵy ulttyq ýnıversıteti «Dúnıe júzi tarıhy» kafedrasynyń dosenti, tarıh ǵylymdarynyń doktory Haınazarov B.B. «   О́zbekstandaǵy Sh.Ýalıhanovtyń ǵylymı murasynyń tarıhı muradaǵy orny», osy  ýnıversıtettiń tarıh ǵylymynyń doktory   Dúnıe júzi tarıhy kafedrasynyń meńgerýshisi tarıh ǵylymdarynyń doktory, professor    D.J. Ýrakov «Tarıhı bilimdi damytýdaǵy ál-Farabıdiń ǵylymı eńbekteriniń róli» atty baıandamalaryn oqydy.

Qazaq ulttyq qyzdar pedaggıkalyq ýnıversıtetiniń dosenti, tarıh ǵylymdarynyń kandıdaty F.M. Shamshıdenova Qazaqstan tarıhnamasyndaǵy «jańa baǵyttyń» ustanymdary týraly baıandady. «Jańa baǵyttaǵy» eńbekter HH ǵ. 60-80 jj. bpstalyp, qazirgi kezge deıin jalǵasyp jatqanyn sıpattady. Jınaqtalǵan eńbekterdi jazýda, tarıhı jýrnaldardaǵy pikirtalastarda tarıhshylardyń «jańa baǵytqa» degen kózqarastarynyń mańyzdy ekenin, qazirgi kezde ǵylymnyń qoǵam ómirindegi roliniń ózgerýimen jańa turǵydan qaraý bastalyp, jeke adamnyń tutas áleýmettik qatynas júıesindegi kólemdi túrde kórsetýge múmkindik bar,  bul tarıhı personalıstıkany tereń qarastyrýǵa yntalandyratynyn atap ótti..

Turan ýnıversıtetiniń professory, ekonomıka ǵylymdarynyń kandıdaty B. Bolsanbek «Tarıhymyzda «offlaın» júzege asqan «Jeti ata zerdesin» «onlaın» júzege asyrý múmkindigi» atty baıandamasynyń jańalyǵy jigittiń úsh jurty «óz jurty, naǵashy jurty, jıen jurt» bolatynyn dáleldedi. Qaıyn jurt áıeli jaǵy bolǵandyqtan, ol jigittiń jurtyna jatpaıdy dep túıindedi.

E.A.Bóketov atyndaǵy Qaraǵandy ýnıversıteti Dúnıe júzi tarıhy jáne halyqaralyq qatynastar kafedrasynyń aǵa oqytýshysy I.D. Hlebnıkov «Tarıh ǵylymyndaǵy áleýmettik mádenı qaýymdastyq uǵymy: konseptýaldy aspekt» atty baıandamasynda deıdeologızasııalanýdyń ǵylymǵa áserin sıpattady.

Konferensııaǵa qatysqan jas ǵalymdardyń ishinde E.A.Bóketov atyndaǵy Qaraǵandy ýnıversıtetiniń pedagogıka ǵylymdarynyń magıstri Edgına G.T. «Jahandaný konteksinde tarıhı tulǵalardyń roli» atty baıandamasynda merzimdi baspasóz derekteri negizinde N.Á. Nazarbaevtyń tulǵa, kóshbasshy retindegi damý evolıýsııasyna taldaý jasady. Konferensııa onlaın jáne offlaın platformasynda ótti.

Begalıeva A.K.

Ál-Farabı atyndaǵy Qazaq ulttyq

ýnıversıteti, joǵary oqý ornyna

deıingi fakýltetiniń aǵa oqytýshysy

Naralıeva R.T. Ál-Farabı atyndaǵy Qazaq ulttyq ýnıversıteti

Joǵary oqý ornyna deıingi bilim berý fakýltetiniń aǵa oqytýshysy