Almatyda bir top kınorejısser narazylyqqa shyqty

Almatyda bir top kınorejısser narazylyqqa shyǵyp, ulttyq kınony qoldaý úshin jarııalanǵan baıqaýdyń qorytyndysymen kelispeıtinin málimdedi. 

Azattyq radıosynyń habarlaýynsha,  "Almaty" qonaqúıiniń aldyna ondaǵan adam jınalǵan. Narazylar qolyna "Prezıdent Toqaev! Kıno ortalyǵynyń bylyqtaryna nazar aýdaryńyz!", "Ulttyq kınoǵa – ulttyq menedjer" degen jazýy bar plakattar ustaǵan. 

Olardyń pikirinshe, komıssııa baıqaý kezinde "ózderi jaqsy tanıtyn" ssenarıster men rejısserlardyń jobasyn tańdaǵan, al "shynymen de qundy eńbekter" kózge de ilinbegen. 

Narazylyqqa shyqqandar baıqaýdyń aldyn ala qorytyndysyn jaramsyz etýdi, mádenıet mınıstrimen kezdesýdi jáne ulttyq kınony memlekettik qoldaý ortalyǵynyń basshylyǵyn otstavkaǵa jiberýdi talap etti.

Ákimdik ókilderi jınalǵandarǵa sharanyń zańsyz ekenin eskertti.