Almaty oblysynda «Alataý arlany» anyqtaldy

Almaty oblysynda jaýryny jerge tımegen balýandar beldesýi ótti, dep habarlaıdy óńirlik baspasóz qyzmeti.

«Alataý arlany» dep atalǵan bilektiler dodasy «Qazaqstan barysy» respýblıkalyq týrnırine joldamany sarapqa salý úshin uıymdastyrylǵan.

Atalǵan jarystyń ashylý saltanatyna oblys ákimi Marat Sultanǵazıev qatysyp, sportshylarǵa sáttilik tiledi.

«Almaty oblysy bilekti de, júrekti balýandarǵa kende emes. Tuńǵysh Qazaqstan Barysy Ulan Rysqul da bizdiń óńirdiń týmasy ekeni barshamyzǵa málim. Byltyr «Qazaqstan Barysy» jobasy óziniń 10 jyldyq mereıtoıyn atap ótti. Osy jyldar boıy Almaty oblysy dúbirli dodaǵa óziniń apaıtós balýandaryn qosyp keledi. Al, óńirdegi kil myqtydan kim myqty ekeni dál osy «Alataý arlany» saıysynda anyqtalady.
Sondyqtan, qatysýshylarǵa sáttilik tileı otyra, Respýblıkalyq deńgeıde Almaty oblysynyń mereıin asqaqtatyn, naǵyz sheber jeńiske jetsin deımin»,-dedi aımaq basshysy Marat Eleýsizuly.

Qonaev qalasynyń ortalyq alańynda ótken týrnırge aımaqtyń túkpir-túkpirinen salmaǵy 90 keliden joǵary 28 balýan qatysty. Olardyń barlyǵy óz óńirlerinde úzdik úshtikten kóringen sportshylar. Aıta keteıik, alyptar saıysynyń ótýine Almaty oblysy dene shynyqtyrý jáne sport basqarmasy men buqaralyq-sporttyq is-sharalar ótkizý Ortalyǵy muryndyq boldy.

Saǵattar boıy boz kilemde beldesken balýandar oblystyń darabozdaryn anyqtady. Jarys qorytyndysyna keler bolsaq, qarsylastaryn tize búktirgen, «Alataý arlany» atanǵan Qonaev qalasynyń atynan boz kilemde beldesken Mádı Edilbaev altyn belbeýdiń ıesi atanyp, 5 000 000 teńge aqshalaı syılyqqa ıe boldy. Respýblıkalyq týrnıde Mádı Edilbaeva Almaty oblysynyń namysyn qorǵaıtyn bolady.

Al, Eńbekshiqazaq aýdanynyń atynan shyqqan balýan,Nurǵalı Joltaev ekinshi oryn alyp, 1 000 000 teńgege sertıfıkatka ıe bolsa, júldeli úshinshi orynǵa Balqash aýdanynan kelgen Álimjan Jumahmetov taban tiredi. Ol 500 000 teńgege aqshalaı syılyqqa ıe boldy. Barsha jeńis tuǵyrynan kóringen sportshylarǵa arnaıy dıplomdar tabystaldy. Osylaısha, oblystyń arlandary laıyqty tuǵyrynan kórindi.