Fransııadaǵy mıtıngte júzden asa polısııa jaraqat alyp, 300-ge jýyq adam ustaldy

Fransııadaǵy demonstranttarmen qaqtyǵysta júzden astam polısııa qyzmetkeri jaraqat aldy, dep habarlady The Guardian.

Demonstranttardyń basty talaby – prezıdent Makronnyń zeınetaqy reformasynyń kúshin joıý.

Fransııada dástúrli beıbit sherýler úkimetke qarsy jappaı narazylyqtarǵa ulasty.  Eldiń birneshe qalalaryndaǵy demonstranttar polısııamen qaqtyǵysqa túsip, polısııa kózden jas aǵyzatyn gazdy qoldanýǵa májbúr boldy.  

Ishki ister mınıstri Jerald Darmanenniń aıtýynsha, kem degende 108 polısııa qyzmetkeri jaraqat alǵan. Narazylyqtyń 291 qatysýshysy ustaldy. Darmanen "qara bloktar" dep atalatyn solshyl radıkaldardy jappaı tártipsizdikter jasady dep aıyptady.