Amanattyqtar 70 mln teńgeniń qurylys materıaldaryn sý tasqynynan zardap shekken aýdandarǵa jetkizedi

Amanattyqtar 70 mln teńgeniń qurylys materıaldaryn sý tasqynynan zardap shekken aýdandarǵa jetkizedi. 

«AMANAT» partııasynyń atynan Parlament Májilisiniń depýtattyǵyna kandıdattardyń tasqynnan zardap shekken óńirlerdegi jumysy jalǵasyp jatyr. Aqtóbe jáne Batys Qazaqstan oblystaryndaǵy kezdesý barysynda turǵyndar eldi mekenderdi qalpyna keltirý máselelerin kóterdi. Partııa zardap shekken aýdandarǵa 70 mln teńgeden astam somaǵa qurylys materıaldaryn jetkizýdi kózdep otyr.

Aqtóbe oblysynyń Qobda aýdanynda 101 úı, Batys Qazaqstan oblysynda 80-ge jýyq úı tasqynnan zardap shekti. Sý basqan eldi mekenderdiń turǵyndarymen kezdesýde «AMANAT» partııasynyń músheleri bólingen kómektiń adamdarǵa jetken-jetpegenin naqtylap, úılerdi qalpyna keltirý úshin taǵy qandaı kómek qajet ekenin anyqtady.

Májilis depýtattyǵyna kandıdat Erlan Saırov zardap shekken aýdandarǵa on kún ishinde «AMANAT» partııasy 70 mln teńgeden astam somaǵa qurylys materıaldaryn jetkizetinine ýáde berdi. Eń aldymen, sement, sylaq (shpatlevka), lınoleým jáne ózge de qajetti materıaldar jetkiziledi.

«AMANAT» partııasy árqashan halyqpen birge. Bul joly da partııalyqtar shet qalǵan joq. On kún ishinde partııa esebinen úılerdi qalpyna keltirýge qajetti qurylys materıaldary satyp alynyp, zardap shekkenderge jetkiziledi», – dedi Erlan Saırov.

Depýtattyqqa kandıdat jyl saıyn tasqyn belgili bir jerlerde ǵana oryn alatynyn, biraq onyń aldyn alý úshin júıeli sharalar qabyldanbaıtynyn atap ótti. Sondyqtan, partııanyń saılaýaldy baǵdarlamasynda qamtylǵan mindettiń biri: turǵyndardy maýsymdyq sý tasqynynan qorǵaý jáne gıdrotehnıkalyq qurylystar júıesinde tártip ornatý. Májilistiń jańa shaqyrylymynda «AMANAT» partııasynyń fraksııasy tasqyn máselesin zańnamalyq deńgeıde sheshýge kirisedi.

Tasqynnan zardap shekken turǵyndarǵa ótemaqy tóleý máselesi jeke talqylandy. Májilis depýtattyǵyna kandıdat Erbol Salyqovtyń aıtýynsha, «AMANAT» fılıaldary ótemaqynyń ádil ári ýaqtyly tólenýi máselesin baqylaýǵa alady.

Amanattyqtar turǵyndarǵa «AMANAT» partııasynyń Aqtóbe oblysy boıynsha óńirlik baǵdarlamasyn iske asyrý aıasynda aldaǵy 5 jylda 8 bógetke kúrdeli jóndeý júrgizýge qol jetkizýge nıetti ekenin jetkizdi.
2028 jylǵa deıin Batys Qazaqstan oblysynda 9 magıstraldi sý arnasy jáne 7 qoldanystaǵy sý qoımasy qaıta jóndeledi.